Africa Este
Africa este es la rejion la plu este en la continente de Africa, cual es definida variable par jeografia o jeopolitica.
Par causa de la teritorios colonial de Africa este brites e Africa este deutx, la terma Africa este es comun (spesial en engles) usada per refere a la area cual aora es composada de la tre paises de Cenia, Tanzania e Uganda. An tal, esta no es la abitua de multe otra linguas, en cual la terma ave comun un contesto plu grande e sola jeografial, e donce inclui ance Djibuti, Ertra, Itiopia e Somalia a la norde, e Malaui, Mosambic, Zambia e Zimbabue a la sude.
Jeografia e clima
Alga partes de Africa este es famosa per sua proportio de animales savaje, per esemplo la "sinco grande": la elefante, la bufalo, la leon (spesial la leones ugandan, masai e itiopian), la leopardo, la rinosero negra, e la gorila montanial, an si la cuantia de esta animales ia declina par causa de tensa grandida en tempo resente, spesial de la rinosero, la elefante e la gorila.
La jeografia de Africa este es comun con vista bela. Fortes tetonical global ia forma la falion de Africa este e Africa este se mesma. Africa este ave la Monte Kilimanjaro e Monte Cenia, la apicos la plu grande en Africa. Lo ance ave la lago la plu du grande de acua fresca en la mundo Lago Victoria, e la lago la plu du profonda en la mundo Lago Tanganyika.
La clima de Africa este es alga nontipal per un rejion ecuatoral. Lo es surprendente fria e seca en relata con sua latitude par causa de un combina de la altia jeneral alta de la rejion e la ombra de pluve de la ventas de monson ueste creada par la Montes Ruenzori e la Montania Itiopian. En fato, multe anios pote pasa en la costa de Somalia con no pluve.
Paises
| Nom | Area (km²) | Cuantia de Popla (sirca) (1 Julio 2002) | Densia (per km²) | Capital |
|---|---|---|---|---|
| Africa este: | ||||
| Burundi | 27 830 | 6 373 002 | 229.0 | Bujumbura |
| Cenia | 582 650 | 31 138 735 | 53.4 | Nairobi |
| Comori | 2 170 | 614 382 | 283.1 | Moroni |
| Djibuti | 23 000 | 472 810 | 20.6 | Djibuti |
| Ertra | 121 320 | 4 465 651 | 36.8 | Asmara |
| Itiopia | 1 127 127 | 67 673 031 | 60.0 | Addis Ababa |
| Madagasicara | 587 040 | 16 473 477 | 28.1 | Antananarivo |
| Malaui | 118 480 | 10 701 824 | 90.3 | Lilongwe |
| Mauris | 2 040 | 1 200 206 | 588.3 | Port Louis |
| Mosambic | 801 590 | 19 607 519 | 24.5 | Maputo |
| Ruanda | 26 338 | 7 398 074 | 280.9 | Kigali |
| Sexeles | 455 | 80 098 | 176.0 | Victoria |
| Somalia | 637 657 | 7 753 310 | 12.2 | Mogadishu |
| Tanzania | 945 087 | 37 187 939 | 39.3 | Dodoma |
| Uganda | 236 040 | 24 699 073 | 104.6 | Kampala |
| Zambia | 752 614 | 9 959 037 | 13.2 | Lusaka |
| Zimbabue | 390 580 | 11 376 676 | 29.1 | Harare |
This article uses material from the Wikipedia Lingua franca nova article Africa este, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.