Rinosero

Du de estas es nativa a Africa, e tre a Asia sude. La nom es derivada de la elinica ῥῑνόκερως, cual es composada de ῥῑνο- ("nas") e κέρας ("corno")

La familia de rinoseros ave esta cualias:

• grandia: tota spesies pesa un ton o plu;
• un dieta erbivore, jeneral folias (ma los pote fermenta ance materia vejetal plu fibrosa en sua stomaco anterior);
• un pel spesa e protejente, con spesia de 1,5 a 5 cm, de stratos de colajen en un strutur grilin;
• serebros peti (400–600 g) per un animal de esta grandia;
• un corno grande, de ceratin (como la protena en capeles e ungias).

Rinoseros es matada par umanas per sua cornos, cual es vendeda e comprada en un mercato negra. La cornos es usada en alga cultures per decora e per medisin (sin suporta siensal). Tre spesies es listada como "perilida estrema".

On ave tre grupos de spesies:

• Diserotini ave du cornos e abita en Africa. Los no ave dentes frontal, ma los ave molentes forte.
  • Rinosero negra, cual ave labias longa e puntida, bon per saisi folias.
  • Rinosero blanca (no vera blanca), cual ave labios larga e plata.
• Rinoserotini ave sola un corno.
  • Rinosero indian
  • Rinosero javan
• Dicerorinini ave du cornos.
  • Rinosero sumatran
  • Rinosero lanosa, estinguida, cual ia abita en Asia e Europa norde en la eda glasial, asta sirca 10 000 anios en la pasada