Strëmp

Et ass eng Zort stoftene Schlauch, deen zu den Zéiwen hin zou ass, an iwwer de Fouss gezu gëtt. D'Form ass dem Wénkel vum Fouss ugepasst, an et gëtt meeschtens keen Ënnerscheed tëscht dem rietsen an dem lénkse Fouss gemaach. Strëmp gëtt et a verschiddene Gréissten, Längten, Hierstellungsweisen a Material.

Strëmp hunn d'Funktioun, de Fouss waarm ze halen, Fiichtegkeet, déi duerch d'Schweessen entsteet, z'absorbéieren an d'Haut vum Fouss virum Schauteren am Schong ze schützen.

Strëmp gi gewéinlech bis un d'Wued. Méi laang Strëmp, déi bis uewen un d'Déckt vum Been ginn, si meeschtens Dammestrëmp (fr.: bas; dacks Nylonstrëmp), a wa se net vum selwen halen da gi se entweeder mat Jarretellen oder Jarretièren uewen um Bee gehalen. Sinn dës uewen un enger Zort Box zesummegebitzt, schwätzt ee vun engem Collant. Kuerz Strëmp gi Soquetten oder Séckercher genannt.

Plazeweis besteet och nach den Ausdrock Huesen fir Strëmp (cf. den Ausdrock Schung an Huese verléieren).

• Gett