Z Monumenter Vum Zweete Weltkrich Zu Lëtzebuerg

Bis ewell goufen am Ganze 544 sou Monumenter repertoriéiert.

78 % vun alle Monumenter erënneren u lëtzebuergesch Krichsaffer. Vun 1945 bis an d'1970er goufe praktesch an all Gemeng sou Monumenter, meeschtens no bei der Kierch oder dem Kierfecht, opgeriicht. Et gouf an deene meeschte Fäll keen Ënnerscheed gemaach tëscht Zivilaffer, Zwangsrekrutéiert, déi an däitscher Uniform op der Front gefall sinn, Refractairen, oder Resistenzler.

1994/95, fir de 50. Anniversaire vun der Ardennenoffensiv, sinn eng Rëtsch Monumenter derbäikomm. Well et där och an der Belsch an eventuell an Däitschland gëtt, a fir se méi séier ze fannen, gëtt et dofir eng Lëscht iwwer Monumenter vun der Ardennenoffensiv. All Monument am Zesummenhank mat der Ardennenoffensiv soll deemno och an där Lëscht agedroe ginn.

Monumenter fir déi alliéiert Zaldote spigelen d'Krichsgeschéien erëm: Sou si Monumenter fir franséisch Zaldoten, dorënner och algeeresch a marokkanesch Spahis, laanscht d'franséisch Grenz ze fannen, wärend déi fir amerikanescher virun allem am Osten an am Norde vum Land, dacks op der Plaz vu Kämpf wärend der Ardennenoffensiv, opgeriicht goufen.

Well eng eenzeg Lëscht ze grouss wier gouf s'alphabetesch den Uertschaften no opgedeelt. D'Navigatiounsläischt hei drënner leet Iech weider op d'Deellëschten.

Numm	Plaz	Uertschaft	Ageweit	Koordinaten	Bild
Erënnerungsplack ZUM UNDENKEN UN DÉI ONSCHÉLLEG ZÉISSÉNGER AFFER AUS DEM WELTKRICH 1940 - 1945 Mat den Nimm ënnendrënner	Virum Kierfecht	Zéisseng		49° 35’ 21.08’’ N       06° 06’ 27.94’’ O
Erënnerungsplack un den Alphonse Dondelinger: A LA MEMOIRE DE DONDELINGER D. G. ALPHONSE HEROS NATIONAL DECAPITE A COLOGNE LE 12 FEVRIER 1942	rue du Château 10 (maison Beck)	Zolwer		49° 31’ 31.1’’ N       5° 56’ 20.6’’ O
Erënnerungsplack 6. Regiment Spahis algériens	Kierch Zowaasch	Zowaasch		49° 31’ 17.44’’ N       5° 50’ 10.95’’ O
Erënnerungsplack als Merci un déi Leit déi politesche Flüchtlinge gehollef hunn.	Kierch Zowaasch	Zowaasch		49° 31’ 17.44’’ N       5° 50’ 10.95’’ O

• Krichsmonumenter zu Lëtzebuerg