Far Cry 3

E kënnt Enn 2012 op de Marché an ass d'Fortsetzung vu Far Cry (2004) a Far Cry 2 (2008). D'Handlung spillt op enger tropescher Inselketten iergendwou tëscht dem indeschen a pazifeschen Ozean. De But vum Spill ass et fir vun der Insel a senge Verrécke Bewunner ze flüchten.

Far Cry 3 spillt nees wéi den éischten Deel vun der Serie op enger ofgeleeëner Insel. De Spiller iwwerhëlt d'Roll vum Jason Brody, dee mat sengem Brudder, senger Frëndin an e puer Kolleegen op eng Insel kënnt, déi op kenger Kaart agezeechent ass, mä iwwer där hir schéin Stränn an hir exotesch Vegetatioun vill Rumeuren existéieren. Dat ganzt gëtt awer séier zum Albdram, wéi den Jason mat senge Kolleegen an d'Hänn vu Piraten ënner dem Befeel vum wansinnege Mäerder Vaas geréit. De Jason kann zwar entkommen, mä well säi Boot fort ass muss en elo virun allem versichen ëm all Präis z'iwwerliewe bis datt en eng Méiglechkeet fënnt fir vun der Inselgrupp fortzekommen. Dobäi gëtt en an de bluddege Krich tëscht de Piraten, de Mënschenhändler an de lokale Rebellen eragezunn, déi net méi weider vun de Mënschenhändler als modern Sklave gehale wëlle ginn. Dobäi fléisse Blutt an Drogen am Iwwerfloss, a geschwënn ass de Jason schonn net méi capabel fir tëscht narkoteschem Dram a Wahnrealitéit z'ënnerscheeden. D'Insel mécht jiddweree verréckt dee se betrëtt, an et muss een e komplette Geck si fir dozebleiwen.

• Open-World
• Rollespillelementer (Erfarungspunkten, Fäegkeetebam an Hierstellungssystem)
• Quick Time Events
• Deckungen (Vegetatioun, Waasser, etc.), hanner Deckungen erausschéissen, Täuschungen (Steng geheien)
• Wonne selwer duerch Injektiounssprëtzen heelen
• Dag- an Nuetwiessel, Wiederwiessel
• Mapeditor
• Solo campaign, Co-op campaign a Multiplayer
• Mini-Spiller (Poker)

Net méi dobäi sinn:

• Malaria-Medikamenter
• Waffen déi verraschten a lues a lues de Geescht opginn
• Feindrespawn (geraumte Plaze gi vun de frëndleche Rebelle besat)

• Jason Brody — Protagonist, 25 järege Fotograf vu Los Angeles
• Liza — Frëndin vum Jason
• Doug — beschte Kolleeg vum Jason, vum Vaas direkt um Ufank ëmbruecht ginn
• Vaas Montenegro — éischten Antagonist, Brudder vum Citra (gespillt vum Michael Mando)
• Buck — Personificatioun vum Béisen, dem Vaas säi Boss
• Citra Montenegro — Kinnigin vun de Rakyat, den agebuerene Bewunner vu Rook Islands
• Dennis Rogers — Liberianer dee sech op d'Säit vun de Rakyat gestallt huet an dem Jason hëlleft
• Hoyt Volker — Haaptantagonist, grausame Sklavenhändler
• Sam, Leutnant vum Hoyt, potentiellen Alliéierte vum Jason
• Dr. Earnhardt — Dokter an Drogeproduzent

Et gëtt am Spill 39 Waffenzorten:

• 4 Messeren
• 6 Pistoulen
• 5 Maschinnepistoulen
• 3 Schroutflënten
• 6 Stuermgewierer
• 3 Snipergewierer
• 5 Maschinnegewierer
• 3 Granatwerfer
• 4 Spezialwaffen (Bou u.a.m.)

• Offiziell Websäit vum Spill