Tiberis
Tiberis vel poetice Thybris (Italiane Tevere) est longissumum flumen Italiae mediae, quod ex Appennino in Aemilia et Romania ortum, ad meridiem excurrens, Romam interluit et iuxta Ostiam in mare Tyrrhenum influit.
 | |
| Tiberis apud Portum | |
| Nomina | |
|---|---|
| Nomina Latina | Tiberis (-is, m.) |
| Nomina Vulgaria | Tevere |
| Geographia physica | |
| Longitudo | 405 (392) km |
| Altitudo principii | 1.268 m |
| Area ex qua aqua affluit | 17.375 km² |
| Fons | Fumaiolus mons |
| Ostium | Mare Tyrrhenicum apud Portum ac Ostiam |
| Tributarii | Asius, Pallia, Nar, Treia, Imella, Farfarus, Anio |
| Altera | Tiberina insula, Insula Portuensis |
| Geographia politica | |
| Terrae |  Italia |
| Regiones |  Aemilia-Romania, Tuscia, Umbria, Latium |
| Provinciae | Foroliviensis- Caesenatensis, Arretina, Perusina, Viterbiensis Interamnensis, Reatina, U.m. Romana |
| Urbes principes | Roma |
| Tabula geographica | |
 | |
Alia fluminis nomina erant Tiberinus, Albula (ab aquae colore), Rumon, Serra.
Historia
Veteres Tiberim (vel Thybrim Tiberinumve) pro deo habuerunt, quem in libro octavo Aeneidis Aeneas dux Troianorum, cum Latium venisset, his verbis adoravisse perhibetur (vv. 71-7):
- Nymphae, Laurentes Nymphae, genus amnibus unde est,
- tuque, o Thybri tuo genitor cum flumine sancto,
- accipite Aenean et tandem arcete periclis.
- Quo te cumque lacus miserantem incommoda nostra
- fonte tenent, quocumque solo pulcherrimus exis,
- semper honore meo, semper celebrabere donis
- corniger Hesperidum fluvius regnator aquarum.
Apud Livium legimus bello a rege Porsenna Romanis illato Horatium Coclitem pontem Sublicium solum defendentem in flumen desulturum haec exclamavisse:
- Pater Tiberine, te sancte precor, haec arma et hunc militem propitio flumine accipias.
Claudianus in panegyrico, Olybrio et Probino consulibus, Tiberim hac specie apparentem fecit (vv. 214–225):
- Illi glauca nitent hirsuto lumina vultu
- caeruleis infecta notis, reddentia patrem
- Oceanum. Crispo densantur gramine colla,
- vertice luxuriat toto crinalis harundo
- (quam neque fas Zephyris frangi nec sole perustam
- aestivo candore mori, sed vivida frondet
- aequaevum conplexa caput), taurina levantur
- cornua temporibus raucos sudantia rivos.
- Destillant per pectus aquae, frons hispida manat
- imbribus, in liquidos fontes se barba repectit.
- Palla graves umeros velat, quam neverat uxor
- Ilia percurrens vitreas sub gurgite telas.
Nexus interni
- Roma
- Insula Portuensis vel Insula Portus (Italiane: Isola Sacra)
- Tiberina insula vel Insula Tiberis et Insula Aesculapi (Italiane: Isola Tiberina)
- Flumina Italiae
Nexus externi
 | Situs geographici et historici: Locus: , • OpenStreetMap • GeoNames • Pleiades • Большая российская энциклопедия |
 | Vicimedia Communia plura habent quae ad Tiberim spectant. |
Notae
 |
This article uses material from the Wikipedia Latina article Tiberis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.