Nympha (Graece νύμφη 'sponsa, puella, nympha') in mythologia Graeca est creatura divina, formam feminae nubilis gerens, saepe loco quodam conexa; sunt seu solitariae sive sectatrices deorum (inter quos Dionysi, Hermis, Panis) et dearum (saepius Artemidis).
Inter nymphas enumerantur Amalthea, Echo, Egeria, Hesperides, Oreades, Dryades (nymphae arborum), Hamadryades, Alseides, Meliae, Naiades (nymphae fluminum), Nereides (nymphae aquaticae), Oceanides, Hyades, et Pleiades.
In Prometheus vinctus, tragoedia Graeca ab Aeschylo scripta, chorus ex Oceanidibus constat.
In artibus nymphae ut pulchrae puellae, saepe nudae aut coronatae cum floribus, effinguntur. Pictores nymphas aquaticas cum doliis aut urnis depinxerunt, exempli causa Ioannes Augustus Dominicus Ingres pictor Francogallicus qui tabulam Fontem pinxit. Tabulae praeclare a Titiano Vecellii, Henrico Siemiradzki, Arnoldo Boecklin, Gulielmo Adolpho Bouguereau, Ludovico Ricardo Falero et aliis pictoribus factae sunt. Aetate moderna, sculptores ut Laurentius Bartolini statuas de nymphis sculpserunt. Ioannes Gulielmus Waterhouse pictor Anglicus tabulam de historia Hylae, iuvenis Argonautae ab Hamadryadibus rapti, anno 1896 pinxit.
Vicimedia Communia plura habent quae ad nymphas spectant. |
This article uses material from the Wikipedia Latina article Nympha, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.