Sophia Palaeologa
Sophia Palaeologa (Graece Σοφία Παλαιολογίνα, Russice Софья Фоминична, Sophia Thomae filia, circa annum 1455 Myzethrae nata et 7 Aprilis 1503 Moscuae mortua) fuit magna ducissa vel regina Moscoviae, Ioannis III uxor et Basilii III mater, Ioannis Severi avia.
Sophia Palaeologa
Obitus: 7 Aprilis 1503; Moscua
Patria: Despotate of the Morea
Familia
Coniunx: Ioannes III
Proles: Basilius III, Georgius Ioannis filius (dux Demetriopolitanus), Andreas Staritiensis, Helena Ioannis filia, Symeon Ioannis filius, Demetrius Ioannis filius ''Vena'' dictus, Eudocia Ioannis filia, Theodosia Ioannis filia
Familia: Rurici domus
Memoria
Origo
Filia Thomae Palaeologi, despotis Moreae et fratris Constantini XI imperatoris Romani Orientalis ultimi fuit, qua de causa heres coronae Byzantinae interdum putabatur. Mater Sophiae Catharina Zacharia fuit, filia Centurionis II, prinicipis Achaeae ultimi.
Vita
In Myzethra urbe capitali despotatus Moreae nata, anno 1460, cum Morea a Turcis capta est, omni cum familia in Cercyram fugit, postea Romam, ubi Sixtus IV pontifex Thomam Sophiae patrem heredem coronae Byzantinae agnovit. Patre anno 1465 mortuo Bessario cardinalis tutelam liberorum eius accepit. Anno 1469 Bessario et Paulus II pontifex Sophiam Ioanni Moscoviensi nuptum proposuerunt, quod anno 1472 factum est. Quamvis Ioannes Iuvenis Ioannis III ab uxore priore Mariae Borisi filiae Tueriensis heres Ioannis et regni iam particeps fuerat, Ioanne Iuvene mortuo liberi Sophiae regnum acceperunt.
Liberi
Liberos Ioannes et Sophia habuerunt duodecim:
- Anna (1474), in infantia mortua
- Helena (1475), in infantia mortua
- Theodosia (1475—?)
- Helena Ioannis filia (1476—1513), Alexandri Iagellonidis regis Poloniae uxor
- Basilius III (1479 — 1533), magnus dux Moscoviae
- Georgius Ioannis filius (1480 — 1536), dux Demetriopolitanus
- Demetrius Vena dictus (Zhilka, 1481 — 1521). dux Ugliciensis
- Helena (1484—?)
- Eudocia (1483—1513), uxor Petri Ibrahimi filii principis Tartarici
- Theodosia (1485 — 1501), uxor principis Basilii Danielis filii Cholmskij
- Symeon Ioannis filius (1487 — 1518), dux Calugensis
- Andreas Ioannis filius, dux Staritiensis
Fama
Sophia libros aliquot antiquissimos et rarissimos a familia sua acceptos Moscuam attulisse dicitur, de quibus bibliotheca Ioannis Severi famosa postea composita est; sed haec fabulosa esse videtur.
Sophia, cum Imperii Romani Orientalis heres a nonnullis putabatur et ipsa se putabat, interdum marito et posteris suis ius huius regni reliquisse habetur, cf. Moscua, Tertia Roma.
Dona Sophiae in Laura Trinitatis Sergiique usque adhuc servantur.
Nexus externi
| | Lexica biographica: Treccani • Deutsche Biographie |
This article uses material from the Wikipedia Latina article Sophia Palaeologa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.