Hamas (Arabice حركة حماس ḥarakatu Ḥamās 'commotio fervoris') est factio politica Palaestinensis.
Cuius nomen in brevius redigit appellationem pleniorem Commotio rebellionis Islamicae (Arabice حركة المقاومة الاسلامية ḥarakatu l-muqāwamati l-ʾislamīyya).
Anno 1987 condita ab Ahmedo Yāsīn, sodale Fratrum musulmanorum, mense Ianuario 2006 maiorem partem suffragiorum sibi conciliavit, ubi Palaestini novum senatum elegerunt, et factioni adversariae Fatah acerbam inopinamque intulit cladem. Cum ambae partes diu de potestate certavissent, sectatoribus autem Hamasianis non contigisset, ut suum imperium diversis copiis ac magistratibus imponerent, denique anno 2007 in Gazam se recessit, totamque terram illam in suam dicionem redegit.
Ut Palaestinam ab occupatione Israelitarum liberet, Hamas ne facta tromocratica quidem recusanda arbitratur, et ob eam causam ab Israel, Civitatibus Foederatis, Unione Europaea, aliisque in numero societatum tromocraticarum habetur.
Die 7 Octobris 2023, Hamas milibus missilum igneorum e Gaza necnon viribus pedestribus Israelem aggressa est. Deinde Israel Palaestinis bellum in laciniam Gazeticam denuntiavit.
This article uses material from the Wikipedia Latina article Hamas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.