Erfordia

Ibi est sedes dioecesis Erfordiensis ecclesiae Romanae. A.d. Kal. Ian. 2022 Erfordia incolas 213.227 habuit; ad flumen Hieram sita est (altitudine 200 metrorum). Erfordia gravis ponderis est locus qui attinet ad commeatus, cultum humanum civilemque, officinas. Excellit traditio horticulturae meritoriae florum seminumque. Sententia praeconii publici est haec: "Erfordia - occursus in media Germania."

Erfordia

Res apud Vicidata repertae:

Civitas: Germania
Locus:
Numerus incolarum: 214 969
Zona horaria: UTC+1, UTC+2
Situs interretialis
Nomen officiale: Erfurt

Gestio

Praefectus: Andreas Bausewein
Procuratio superior: Thuringia

Geographia

Superficies: 269.91 chiliometrum quadratum
Regiones urbanae: Alach, Altstadt (Erfurt), Andreasvorstadt, Azmannsdorf, Berliner Platz (Erfurt), Bindersleben, Bischleben, Q996937, Büßleben, Daberstedt, Dittelstedt, Egstedt, Ermstedt, Frienstedt, Gispersleben, Gottstedt, Q1350171, Hochheim, Hochstedt, Hohenwinden, Ilversgehofen, Johannesplatz, Kerspleben, Krämpfervorstadt, Kühnhausen, Linderbach, Löbervorstadt, Marbach (Erfurt), Melchendorf, Mittelhausen, Möbisburg-Rhoda, Molsdorf, Moskauer Platz, Niedernissa, Rieth, Rohda, Roter Berg, Salomonsborn, Schaderode, Schmira, Schwerborn, Stotternheim, Sulzer Siedlung, Tiefthal, Töttelstädt, Töttleben, Urbich, Vieselbach, Wallichen, Waltersleben, Wiesenhügel, Windischholzhausen
Territoria finitima: Circulus Weimarer Land, Circulus Ilm, Circulus Gotha, Circulus Sömmerda

Coniunctiones urbium

Urbes gemellae: Vilna

Tabula aut despectus

Humanismi Germanici medium erat Erfordia a saeculo quarto decimo usque ad saeculum sextum decimum. Studiorum universitas fundata est anno 1392, ubi et Martinus Lutherus scholasticus erat. Eius tempore erant Erfordiae circa quadraginta templa et tredecim monachia. Universitatis portae clausae sunt anno 1816 et rursus apertae anno 1992. Erfordiae etiam sunt scholae speciales variae horticulturales et exstructoriae, bibliothecae scientificae et plura musea. Urbem superat cathedralis Beatae Mariae Virgini dicata (cuius constructio incohata est saeculo decimo; Lutherus ibi ordinatus est presbyter anno 1507) et Ecclesia Sancti Severi (ex saeculo tredecimo). Mediaevalis ecclesiarum multiplex est etiam signum urbis. Vicinus cathedrali colli invenitur Mons Sancti Petri, ubi exstant ruinae monasterii ordinis Sancti Benedicti (saeculi decimi) et castellum barocum (1665–1702). Inter multa sacralia aedificia, Ecclesia Augustinianorum negligenda non est, cum in eius monasterio Lutherus monachus fuerit. Regio maxime bella a multis dicitur esse cathedralis platea, ubi circumcirca domus affabre factae reperiuntur, velut Apotheca Viridis et Zur Hohen Lilie, aedes aevii artium renatarum. Pons propolarum (saeculi XIV), in quo habitationes tabernaeque instructae sunt, extra Italiam genere suo solus eminet.

Prima mentio Erfordiae facta est anno 742, tamquam sedes episcopatus Erfordiensis (episcopo Sancto Bonifatio). Mercaturarum centrum erat Erfordia iam a saeculo nono; urbs iura urbana obtinuit saeculo tredecimo. Culmen emolumenti erat duo saecula post, cum urbs Hansae aggregata est. Postquam Lipsia maioris momenti in negiotiando fiebat, Erfordia minus valebat (saeclo sexto decimo). Inter annos 1664 et 1802 regebant Erfordiam Moguntini, inde Borussici. In Congressu sic dicto principum anno 1808 convenerunt Napoleo I (imperator Franciae) et Alexander I (imperator Russiae). Anno 1891, democratici sociales Programma Erfordiense pertulerunt, quod similibus factionibus etiam aliis in terris Europaeis exemplo fuit. Secundo bello mundano pyroboli utique multum destruxerunt, tamen restabat incolumis fere nucleus historicus.

Anno 2021 sollemniter expositio horticulturalis foederalis Buga 2021 celebrata est Erfordiae. Inter locos exteriores etiam oppidum Buttstädt cum sepulcreto suo Italico fuit.

•  
  Ferrivia strataria
•  
  Via e septentrionali parte ad Erfordiam fert.

Erfordia urbs Confoederationi commeatus publici Thuringiae centralis adiuncta est.

• Augustus Godofredus Ritter, organista
• Carolus Herrmann, historicus
• Carolus Theodorus de Dalberg, gubernator Moguntinus
• Casparus Stieler, scriptor
• Henricus Borchert, pictor et architectus
• Henricus Kellner, burgimagister trucidatus
• Iacobus Adlung, musicographus
• Ioannes Bartholomaeus Trommsdorff, pharmacopola et institor
• Ioannes Biereye, historicus
• Ioannes de Indagine, theologus
• Ioannes Hieronymus Schroeter, astronomus
• Ioannes Ioachim Bellermann, philologus
• Iodocus Trutfetter, scholasticus
• Ludovicus Fredericus de Froriep, chirurgus
• Margareta Reichardt, artifex
• Martinus Lutherus, reformator
• Maximilianus Weber, vir publicus et scriptor de rebus civilibus
• Placidus Muth, abbas et rector universitarius
• Ricardus Breslau
• Rudolphus Zacharias Becker, scriptor
• Sebastianus Lang, birotarius

• Academia Utilium Scientiarum
• Aula Thuringiae/Thüringenhalle
• Dioecesis Erfordiensis
• Gymnasium athleticum Erfordiense
• Gymnasium Senatorium Evangelicum Erfordiense
• Lectiones Autumnales Erfordienses
• Parlamentum Erfordiense
• Universitas Hierana

Ecclesiae et res cultus Iudaeorum

Domus pulchrae castellaque

Horti

• Horti Brühl
• Hortus cervorum
• Hortus zoologicus Erfordiensis
• Louisental (viridarium quod periit)

Musea memorialiaque

• Burgus Sancti Cyriaci cum Museo horticulturae
• Carcer Erfordiae, locus memorialis
• Monumentum de Germanis fugatis
• Museum Anger
• Museum historiae naturalis Erfordiense
• Museum laographicum Thuringiense
• Museum pressorium
• Museum puparum casarum Erfordiense
• Saxum Lutheri
• Topf & Söhne, locus memorialis

Alia

• SED-Bezirksparteischule
• Anger 57, pristinum cinemateum
• Centrum Europaeum Thuringiae
• Crematorium Erfordiae
• Crux monachica Erfordiensis
• Curia Maguntina
• Die Schotte, theatrum iuvenum histrionum
• Ergastulum militare in platea Sancti Ioannis
• Iani Anger 1, pantopolium
• Officina Puppenspiel, theatrum neurospasticum
• Officium cursuale prius Erfordiense
• Opus fundatum Louise Mücke
• Passer luteus, certamen pellicularum
• Pons propolarum
• Puteus Anger novus
• Puteus famis
• Puteus monumentalis
• Tribus Venedig

• Erfordia Latina, radiophonica emissio lingua Latina
• Statio Radiophonica F.R.E.I.
• Turingio Internacia, radiophonica emissio Esperantice

• Braxatorium Braugold

Vicimedia Communia plura habent quae ad Erfordia spectant.

Lege Ἐρφούρτη ("Erfordia") apud Vicipaediam lingua Graeca antiqua scriptam

• Situs proprius urbis

Urbes foederalium Germaniae terrarum capitales

Aquae Mattiacae • Berolinum • Brema • Dresda • Dusseldorpium • Erfordia • Hamburgum • Hannovera • Kielia • Magdeburgum • Moguntiacum • Monacum • Potestampium • Saravipons • Stutgardia • Suerinum