Martinus Lutherus

Presbyter ordinatus est anno 1507; mox autem certas doctrinas ususque Ecclesiae Catholicae reicere coepit, praesertim commercium indulgentiarum, quas disputavit in Disputatione pro declaratione virtutis indulgentiarum, nonaginta quinque thesibus academicis anno 1517 propositis. Leo Papa X anno 1520 poposcit, et imperator Carolus V in Concilio Wormatensi anno 1521 iussit, eum suas scripturas renuntiare, sed ipso recusante, excommunicatus est a papa, ac proscriptus est ab imperatore.

Martinus Lutherus

Res apud Vicidata repertae:

Nativitas: 10 Novembris 1483; Islebia
Obitus: 18 Februarii 1546; Islebia
Patria: Sacrum Romanum Imperium
Nomen nativum: Martin Luder

Familia

Genitores: Hans Luther; Margarethe Luther
Coniunx: Catharina de Bora
Proles: Elisabeth Luther, Paul Luther, Magdalena Luther, Margaretha Luther, Martin Luther, Jr., Johannes Luther

Memoria

Sepultura: All Saints' Church, Lutherstadt Wittenberg

Lutherus monachus factus est anno 1505 apud Augustianos Erfordienses, postquam tempestate saeviente votum ad Saxum Lutheri fecit. Dum in quodam monasterio degebat, cupiditates coercebat et corpus suum torquebat vigiliis et inedia, animae pacem tamen non inveniebat. Post multos annos cum in Sancti Pauli Epistula ad Romanos (1:17) legeret ("Iustitia enim Dei in eo revelatur ex fide in fidem, sicut scriptum est: Iustus autem ex fide vivet"), denique intellexit salus solum Dei donum esse (confer infra doctrinam).

Die 4 Octobris 1512 Wittenbergae licentiatus theologiae promotus est.

Anno 1517, tractatum suum Disputatio pro declaratione virtutis indulgentiarum inscriptum ac 95 thesibus receptum ad ostium ecclesiae Wittenbergensis adfixit. Reformatio sua schisma ecclesiae effecit. Die 29 Octobris 1525 in ecclesia castelli Wittenbergae primam missam lingua Theodisca celebravit.

Opus praeclarissimum fortasse Lutheri est conversio Bibliorum in linguam Theodiscam; id autem fuit quasi initium linguae Germanicae superioris. Quae conversio ei ideo tantae curae erat, quod ad scripturam sacram populum Christianum reverti neque ecclesiae Catholicae ministris morem gerere oportere existimavit, ut Dei legem voluntatemque intellegerent.

Cum Lutherus mortuus esset, haec verba ab eo scripta et in mensa posita a Iohanne Aurifabro inventa sunt:

1. Virgilium in Bucolicis nemo potest intelligere, nisi fuerit quinque annis Pastor. Virgilium in Georgicis nemo potest intelligere, nisi fuerit quinque annis Agricola. 2. Ciceronem in epistolis (sic praecipio) nemo integre intelligit, nisi viginti annis sit versatus in Republica aliqua insigni. 3. Scripturas sanctas sciat se nemo degustasse satis, nisi centum annis cum Prophetis, ut Elia et Elisaeo, Ioanne Baptista, Christo et Apostolis Ecclesias gubarnarit.

Hanc tu ne divinam Aeneida tenta,
Sed vestigia pronus adora.
Wir sind Bettler, Hoc est verum, 16. Februarii Anno 1546.

Disputationes adversus D. E. Roterodamum de arbitrio

  Conferatur pagina principalis Desiderius Erasmus Roterodamus.

Ab anno 1520 et Lutherus et Roterodamus, "doctorem universalem" nominatum, late clarissimi erant. Sententiae diversae in libris de libero arbitrio Roterodami (1524) et de servo arbitrio (1525) culmen inveniebant.

Scripsit Roterodamus: "Inter difficultates, quae non paucae occurrunt in divinis literis, vix ullus labyrinthus inexplicabilior, quam de libero arbitrio. (...) Nuper autem renovata est (...) vehementius exagitata per Martinum Lutherum, cuius exstat de libero arbitrio assertio. (...) A temporibus apostolorum ad hunc usque diem, nullus adhuc scriptor exstitit, qui in totum tolleret vim liberi arbitrii, (...)"

Respondit Lutherus: "(...) Tu vero, theologus et christianorum magister, praescripturus illis formam christianismi, non saltem more sceptico tuo, dubitas quid necessarium et utiles illis sit, sed plane in diversum laberis, et iam contra ingenium tuum assertione inaudita, iudicas, ea non esse necessaria, quae nisi necessaria et cognita certo fuerint, nec Deus, nec Christus, nec Evangelion, nec fides, nec quicquam reliquum est, ne iudaismi quidem, multo minus christianismi. Deum immortalem, Erasme, quantam fenestram immo quantum campum aperis contra te agendi et dicendi, quid tu de libero arbitrio boni aut recti scriberes, qui tantam ignorantiam scripturae et pietatis, his verbis tuis confiteris?"

 

Lutherus dixit hominem non operibus, sed sola fide servari posse (id est, salutem fide comparari, non operibus). Nam ne operibus quidem bonis voluntatem creatoris a creatis obligari. Ad quam fidem sola scriptura solaque Dei gratia esse ascendendum. His theologiae praeceptis praecipue a Sancti Pauli Epistula ad Romanos scripta profectus est.

Duas autem esse veritates: legem et evangelium. Christum Lutherus agnoscit agnum Dei esse, qui tolleret peccata mundi. Epistulas quidem Pauli apostoli novo quodam sensu reperto explicavit, ut omnia hominum facta in peccatis numeraret. Nihil quod faceremus Deo placere, Deum tamen nos tantopere amare, ut filium suum misisset. Filio eius Christo in cruce mortuo diabolum vel potius peccatum ipsamque mortem victam esse. Peccata nostra in Agnum esse iacienda, ut servaremur. Haec est parva pars fidei atque doctrinae Lutheri. Confessio Augustana primo officialiter novam fidem descripsit.

• Henricus Bullingerus
• Ioannes Calvinus
• Lucas Cranach maior
• Guilielmus Farel
• Philippus Melanchthon
• Uldrychus Zwingli

 

 

 

• Praefatio in opera Latina
• Disputatio pro declaratione virtutis indulgentiarum - XCV theses, textus, Disputatio pro declaratione virtutis indulgentiarum, Hieronymus Höltzel, Norimberga, MCXVI
• Martini Lutheri epistula doctissimo viro D. Erasmo Roterodamo
• Disputatio I Eccii et M. Lutherii Lipsiae habita MCXIX
• De votis monasticis. Melchior Lotter d.J., MCXXI
• Robertus Castrensis; Martinus Lutherus (1543). Machumetis Saracenorum Principis eiusque successorum vitae, ac doctrina, ipseque Alcoran (Alcoranus). Basileae: apud Ioannem Oporinum 

• Lull, Timothy (1989). Martin Luther: Selections from his Writings. Minneapoli Minnesotae: Fortress. ISBN 0-8006-3680-5 
• Luther, Martin. 1957. The Bondage of the Will. Eds. J. I. Packer et O. R. Johnson. Old Tappan, Novae Caesareae: Revell. OCLC 22724565.
• Luther's Works. 1955–1986, 2002. 55 voll. Eds. H. T. Lehman et Jaroslav Pelikan. St Louis Missuriae, et Philadelphiae. Etiam in CD-ROM. Minneapole et St Louis: Fortress Press and Concordia Publishing House.
• Barth, Hans-Martin. 2009. Die Theologie Martin Luthers: Eine kritische Würdigung. Gütersloh: Gütersloher Verlagshaus. ISBN 978-3-579-08045-1.
• Beutel, Albrecht, ed. 2005, 2010. Luther Handbuch. Ed. secunda. Tubingae: Mohr-Siebeck. ISBN 978-3-8252-3416-4.
• Brecht, Martin. 1981ff. Martin Luther. 3 voll. Stutgardiae: Calwer Verlag.
  • Vol. 1: Sein Weg zur Reformation 1483–1521. 1981, ISBN 3-7668-0678-5.
  • Vol. 2: Ordnung und Abgrenzung der Reformation 1521–1532. 1986, ISBN 3-7668-0792-7.
  • Vol. 3: Die Erhaltung der Kirche 1532–1546. 1987, ISBN 3-7668-0825-7.
• Dillenberger, John. 1961. Martin Luther: Selections from his Writings. Garden City Novae Caesareae: Doubleday. OCLC 165808.
• Diwald, Hellmut. 1982. Luther: Eine Biographie. Bergisch Gladbach: Gustav Lübbe Verlag. ISBN 3-7857-0323-6.
• Dömer, Cornelia. 2008. Mit Martin Luther unterwegs: Ein biografischer Reiseführer. Stiftung Christliche Medien, Hänssler Verlag. ISBN 978-3-7751-4879-5.
• Dünnhaupt, Gerhard, ed. 1985. The Martin Luther Quincentennial. Detroit: Wayne State University Press. ISBN 0-8143-1774-X.
• Fausel, Heinrich. 1996. D. Martin Luther: Leben und Werk. 2 voll. Neuhausen-Stuttgart: Hänssler Verlag. ISBN 3-7751-2440-3.
• Feldmann, Christian. 2009. Martin Luther. Reinbek: Rowohlt Verlag. ISBN 978-3-499-50706-9.
• Friedenthal, Richard. (1967), 1996. Luther: Sein Leben und seine Zeit. Ed. octava. Monaci et Turici: Piper Verlag. ISBN 3-492-20259-4.
• Haustein, Jörg. 1990. Martin Luthers Stellung zum Zauber- und Hexenwesen. Stutgardiae: Kohlhammer. ISBN 3-17-010769-0.
• Haustein, Jörg. 2000. "Zwischen Aberglaube und Wissenschaft: Zauberei und Hexen in der Sicht Martin Luthers." In Martin Luther und der Bergbau im Mansfelder Land, ed. Rosemarie Knape, 327–37. Stiftung Luthergedenkstätten in Sachsen-Anhalt, Lutherstadt Eisleben. ISBN 3-9806328-7-3.
• Herrmann, Horst. 2003. Martin Luther: Eine Biographie. Berolini: Aufbau-Taschenbuch-Verlag. ISBN 3-7466-1933-5.
• Herrmann, Horst. 1999. Martin Luther: Ketzer und Reformator, Mönch und Ehemann. Monaci: Orbis-Verlag. ISBN 3-572-10044-5.
• Josetel, Volkmar, et Schorlemmer, Friedrich, eds. 2000. Wir sind allzu lange deutsche Bestien gewesen: Volksbildung bei Luther und Melanchthon. Eine Textsammlung. Wittenberg: Drei-Kastanien-Verlag. ISBN 3-933028-35-3.
• Knape, Rosemarie, ed. 2007. Martin Luther und Eisleben. Lipsiae: Schriften der Stiftung Luthergedenkstätten in Sachsen-Anhalt. ISBN 978-3-374-02484-1.
• Krockow, Christian Graf von. 2001. Porträts berühmter deutscher Männer: Von Martin Luther bis zur Gegenwart, 11–56. Monaci: List-Verlag ISBN 3-548-60447-1.
• Kantzenbach, Friedrich Wilhelm. 1972. Martin Luther: Der bürgerliche Reformator. Göttingen: Musterschmidt. ISBN 3-7881-0068-0.
• Kaufmann, Thomas. 2010. Martin Luther. Ed. secundaa. Monaci. ISBN 978-3-406-50888-2.
• Kaufmann, Thomas. 2011. Luthers "Judenschriften": Ein Beitrag zu ihrer historischen Kontextualisierung. Tubingae: Mohr Siebeck Verlag. ISBN 978-3-16-150772-4.
• Leppin, Volker. 2006. Martin Luther. Darmstadt: Wissenschaftliche Buchgesellschaft. ISBN 3-534-17961-7.
• Lexutt, Athina. 2008. Luther. Stutgardiae: UTB. ISBN 3-8252-3021-X.
• Manns, Peter. 1982. Martin Luther: Der unbekannte Reformator. Freiburgi: Herder. ISBN 3-451-08188-1.
• Maron, Gottfried. 1997. Die ganze Christenheit auf Erden: Martin Luther und seine ökumenische Bedeutung.Göttingen: Vandenhoeck & Ruprecht. ISBN 3-525-55422-2.
• Michels, Georg, ed. 1996. Martin Luther und die Reformation in Ostpreußen: Gedenkschrift zum 450. Todestage Martin Luthers. Drethem: Gemeinschaft Evangelischer Ostpreussen.
• Michels, Karen. 2010. Martin Luther: Die Lektionen der Straße: Wie die Welt das Denken des Reformators veränderte. Hamburgi: CORSO. ISBN 978-3-86260-004-5.
• Mock, Albert. 1985. Abschied von Luther. Luthe-Druck und Medien Service. ISBN 3-922727-20-4.
• Neumann, Hans-Joachim. 1995. Luthers Leiden: Die Krankheitsgeschichte des Reformators. Berolini: Wichern. ISBN 3-88981-081-0.
• Oberman, Heiko Augustinus. 1982. Luther: Mensch zwischen Gott und Teufel. Berolini.
• Pesch, Otto Hermann. 1982. Hinführung zu Luther. Mainz: Matthias-Grünewald-Verlag. ISBN 3-7867-2525-X.
• Reu, Johann Michael. 1917. Thirty-Five Years of Luther Research. Sicagi: Wartburg Publishing House.
• Spehr, Christopher. 2010. Luther und das Konzil: Zur Entwicklung eines zentralen Themas in der Reformationszeit. Tubingae: Mohr Siebeck, ISBN 978-3-16-150474-7.
• Stümke, Volker. 2007. Das Friedensverständnis Martin Luthers: Grundlagen und Anwendungbereiche seiner politischen Ethik. Stutgardiae: Kohlhammer. ISBN 978-3-17-019970-5.
• Treu, Martin. 2000. Martin Luther und das Geld. Wittenberg: Stiftung Luthergedenkstätten in Sachsen-Anhalt. ISBN 3-9806328-9-X.
• Troeltsch, Ernst. 2000. Luther und die moderne Welt. Schutterwald/Baden. ISBN 3-928640-63-1.
• Weigelt, Sylvia. 2011. „Der Männer Lust und Freude sein.“ Frauen um Luther. Vimariae: Wartburg. ISBN 978-3-86160-241-5.
• Wolff, Jens. 2005. Metapher und Kreuz. Göttingen: Vandenhoeck & Ruprecht. ISBN 3-16-148605-6.
• Zahrnt, Heinz. 2000. Martin Luther: Reformator wider Willen. Lipsiae: Evangelische Verlags-Anstalt. ISBN 3-374-01838-6.
• Zitelmann, Arnulf. 1999. „Widerrufen kann ich nicht“: Die Lebensgeschichte des Martin Luther. Weinheim: Beltz und Gelberg. ISBN 3-407-78813-4.

• Concilium Tridentinum
• Contrareformatio
• Lutheranismus
• 7100 Martin Luther

Vicimedia Communia plura habent quae ad Martinum Lutherum spectant.

Vide Martinum Lutherum apud Vicifontem.

Lege Μαρτῖνος Λούθηρος ("Martinus Lutherus") apud Vicipaediam lingua Graeca antiqua scriptam

Lexica biographica:  Treccani • Gran Enciclopèdia Catalana • Internet Encyclopedia of Philosophy • Grove Art • Classical Archives • Deutsche Biographie • Store norske leksikon

• Martin Luther - Bibliographia (Germanice)
• Philippus Melanchthon De obitu Martini Lutheri (1546)
• Philippus Melanchthon De vita et actis Lutheri (1548)