Caecitas est morbus ac condicio corporis aut animi visionem partim aut plane impediens.
Anno 2019, secundum Ordinem Mundi Sanitarium viginti duo miliens centena milia hominibus plus vel minus caecitas est.
Caecitas notionem generalem cum variis significationum coloribus congruentem significat, at typhlosis (ab adiectivo Graeco q.e.τυϕλός 'caecus' deductum) terminus technicus medicorum est. Ablepsia (a Graeco ἀ [alpha privativum] + βλέπω 'specio, video') non vitium oculorum nec furorem animi sed 'temeritatem' et 'inconsiderantiam' significat. Caecitudo est verbum arcanum a Festo ex P.Opilio Aurelio quodam excerptum. Non est, cur hoc verbo utaris.
Saepe canes educantur, ut suum quisque ducant dominum domi et foris ambulantem, nempe ut in triviis consistant, vias transeant, cibum ferant, in periculis latrent.
Ludovicus Braille scripturam Braille, quae dicitur, invenit, qua caeci digitis legentes verba per spinulas elevatas e charta sentiunt.
Caecitas late tractatur in fabulis, in quibus caeci saepe et praeclari sunt et aliis virtutibus ornati. Caeci nonnumquam vates sunt.
Tiresias ab Hera aut ab Athena caecatus est. Misericordiae causa, Zeus eum fecit prophetam, Athena autem aures poliit, ut aves canentes intellegere posset.
Oedipus factus est vates, postquam oculos suos exfodit.
Homerus vates ipse dicitur caecus fuisse.
Vicimedia Communia plura habent quae ad Caecitas spectant (Blindness, Visual impairment). |
This article uses material from the Wikipedia Latina article Caecitas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.