Тамчылатма Сугат
Тамчылатма сугат — сугат суусун түздөн түз ар бир өсүмдүк тамырына берүү ыкмасы.
Мында өтө кичине суу чыгаргычтары «Ү» тамчылаткычтары бар пластмасса түтүктөр колдонулат; суу жүргүч өсүмдүк катарларын бойлой илинип, тамчылаткычтар өсүмдүк сабагынын же дарак сөңгөгүнүн жанында болот. Тамчылатма сугатта өсүмдүктү суу менен тынымсыз, зарыл учурда азык зат элементтери менен камсыз кылат. Айыл чарба өсүмдүгүнө суу керектешине жараша бүткүл вегетация мезгили ичинде сууну улам ченеп берүү менен анын тамыры жайгашкан зонада эң ыңгайлуу нымдуулук режими түзүлөт. Тамчылатма сугатта суу керектүү гана жерге берилип, топуракка сиңип же бууланып кетпестен, үнөмдүү пайдаланылат, жантайыңкы жерди тегиздебестен эле, анда өскөн өсүмдүктү сугарууга болот.
Булактар
- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9
This article uses material from the Wikipedia Кыргызча article Тамчылатма сугат, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.