Kewer

Kewer a gomprehend: gwyns, lughes, tewedh, annawel, gwyns a-dro, glaw, keser, ergh, ha lies moy. Nerth an Howl a janj an gewer. Hin a dheskrif py par kewer a hwer, dell yw usys, yn unn tyller yn sesons dyffrans. Chanjyow y'n gewer a yll chanjya agan cher ha'gan bewnans. Yn kewer dhyffrans, ni a wisk dillas dyffrans ha ni a wra pythow dyffrans. Ni a dhewis bosow dyffrans yn sesonyow dyffrans. Rag ensampel, dehen rew y'n hav, know ha mor yn kynnyav po choklet tomm y'n gwav. Patron an gewer dres an vledhen yw gelwys an hin.

Keweroniethvaow oll a-dro dhe'n bys a vusur rannow dyffrans a'n gewer. Manerow rag musura an gewer yw: tooth an gwyns, tu an gwyns, tempredh, poos barometrek, ha leythedh. Gans an musuransow ma y hyllir gul darganow kewer rag termyn a dheu. Tus a vusur an gewer yw henwys keweronydh. Keweronydhyon a dhevnydh jynnow-amontya rag drehevel patronyow awgrymek bras rag holya tuedhow kewer.

Kewer sevur a yll shyndya tus ha'ga fythow. Nebes ensamplow a gewer sevur yw:

• Trowyns trovannel
• Hager-awel
• Syghor
• Liv
• Pothvann
• Gwyns a-dro
• Annawel

Yma'n erthygel ma owth usya an Furv Skrifys Savonek a-barth Kernowek kres.

Erthygel kott yw hemma. Ty a yll agan gweres y wellhe! Mar kodhes moy a-dro dhe'n desten ma, klyck chanjya ha dalleth skrifa!

Onan a'n mil erthygel posekka war Wikipedya yw an erthygel ma.