Jiraf

Jiraf
Jirafes owth omladh yn Gwithva Ithala, KwaZulu-Natal, Afrika Deghow.
Klassans bewoniethek
Gwlaskor:	Animalia
Fylum:	Chordata
Klass:	Mammalia
Urdh:	Artiodactyla
Teylu:	Giraffidae
Kinda:	Giraffa
Ehen:	G. camelopardalis
Hanow dewhenwek
Giraffa camelopardalis (Linnaeus, 10ves kevrol a Systema Naturae; 1758)
Is-eghen
Mappa gwrandrans gans diskwedh an is-eghennow

An jiraf (Giraffa) yw genus bronnviles Afrika, an hirra enyval tir yn fyw, ha'n brassa daskniasor. Jiraf tevesik a yll bos 5-6 m (16-20 troos-hys) yn ughelder.

Klassans an jiraf yw mater dadhlans, ha hwithrans DNA a wra dismygi onan bys dhe eth eghen jiraf yn fyw. Byttegyns, ny wra an Kesunyans Keswlasek rag Gwithheans Natur aswonn marnas onan eghen Giraffa camelopardalis, gans naw is-eghen. Yma seyth eghen arall neb yw difudhys, aswonnys a venhesennow.

An semlant a dhiskwa y nasenn yn apert yw y gonna ha'y dhiwarr pur hir, ha patron y gota. Y wandrans a ystynn diworth Chad y'n north bys dhe Afrika Deghow y'n soth, ha diworth Niger y'n west bys dhe Somali y'n est. Dell usys, jirafes a drig yn gwelstiryow ha koswigow. Aga boos yw del, frothys ha bleujennow plansow prennek, yn arbennik an akasia.

Goliadow yw an jiraf bos difudhys, ev re beu difudhys diworth meur a'y wandrans istorek. Dismygrivow yn 2016 a wra meneges bos a-dro dhe 97,500 a jirafes y'n gwyls, ha moy ages 1,600 yn milvaow yn 2010.