Elven gymyk yw astatin, niver 85 y'n Vosen Beriodek.
Y furvell yw At. An hanow a dheu dhyworth an ger Greka astatos, ow styrya diantel.
Ensampel a | Elven gymyk, elven synthesek |
---|---|
Klass | govetelek, bagas 17 |
Dydhyas diskudhans | 1940 |
Niver atomek | 85 |
Elektronegedhegedh | 2.2 |
Rann a | period 6, bagas 17 |
Restrennow kelmys war Gemmyn Wiki |
Astatin yw an elven naturel moyha tanow war an Norvys. Pur beryllus yw drefen y radyoweythres glew.
Askorrys o astatin rag an kynsa tro yn 1940 yn Pennskol Kaliforni gans tri godhonydh: Dale Corson, K Mackenzie hag Emilio Segre (fysegydh italek neb a fias dhe'n fo dhyworth rewlyans Mussolini). Drefen breynans radyoweythresek, yma le ha 30g yn krestennen an nor. Ny yll godhonydhyon askorra myns meur lowr rag y weles. An radyowethres glew a wrussa y ethenna a-dhistowgh. Desevys yw dhe vos hevelep dhe iodin war rann y liw (tewl/du) ha komposyans (divetelek). Estemys yw bos y boynt treudhi ha poynt bryjyon ogas dhe 302°C ha 337°C. Hanter bewnans an isotop hag a vyw hirra yw 8 our.
This article uses material from the Wikipedia Kernowek/Karnuack article Astatin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.