Leo Tolstoy

Skrifer a Russi a welir avel onan a'n gwella awtours y'n istori yw an yurl Lev Nikolayevich Tolstoy (Russek: Лев Николаевич Толстой, tr.

Lev Nikoláyevich Tolstóy; 9 mis Gwynngala [28 mis Est y'n hen gis] 1828 – 20 mis Du [7 mis Du y'n hen gis] 1910), menowgh aswonys avel Leo Tolstoy. Ev a recevas lies nominacyon rag an Pewas Nobel rag Lien pub bledhen a 1902 dhe 1906 ha nominacyons rag an Pewas Nobel a Gres yn 1901, 1902 ha 1910, ha hwath gorthargyadow yn kelghyow Nobel yw na waynyas bythkweth.

Leo Tolstoy
Lev Tolstoy yn Yasnaya Polyana, 1908, an kensa portrayans skeusen liw yn Russi.

Genys dhe deylu ughel a Russi yn 1828, moyha aswonys yw rag an romansow Kas ha Kres (1869) hag Anna Karenina (1877), devynnys yn fenowgh avel pynaklys a fugieth realyst. Ev a hedhas gerda liennek yn kensa yn y vledhynnyow ugens gans y gevres a dri lyver hanter-awtobewskrifek, Flogholeth, Mawneth, ha Yowynkneth (1852–1856), ha Linenansow a Sevastapol (1855), selyes war y brevyansow y'n Vresel yn Krimea. Yma komprehendys yn fugieth Tolstoy dewdhegow a hwedhlow kott ha niver a romansigow kepar ha Mernans Ivan Ilyich (1886), Lowena an Teylu (1859), hag Hadji Murad (1912). Ev a skrifas ynwedh gwariow ha lies assay filosofek.

Y'n bledhynnyow 1870 y'n jeva Tolstoy krisis moral down, sewyes gans an pyth a weli avel difunans spyrysek down par, dell yw menegys yn y ober heb-fugieth Avowans (1882). Y styryans herwydh an lytheren a dhyskasow ethegel Jesu, ow kresenna war an Pregoth war an Menydh, a'n gwrug direwlyas ha kresydh Kristyon. Tybyansow Tolstoy war dhefens kosel, diskwedhys yn y oberow kepar ha Yma Myghterneth Duw a-Berth Ynnowgh (1894), a's teva effeyth down war figurys a'n 20ves kansvledhen kepar ha Mahatma Gandhi ha Martin Luther King Jr.

Tags:

LienPewas NobelRussekRussi

🔥 Trending searches on Wiki Kernowek/Karnuack:

San Diego, KaliforniGlann West1998Camelopardalis (ranneves)Woodrow WilsonBrythonekKoweytRomanekTehranBirminghamArthOvidKopenhavnBrexitKosovaNihonBresel KansvledhenMonakoDallasFerdinand MagellanSevillaPorth IaCalans gregorekKymystry20241910HamburgMarghImmanuel KantIndonesiJynn amontyaUkraynekMis DuSloveniKobrosSeoulChloe SmithBerylliomPow KyrgysRepoblek WordhenClyde TombaughBurj KhalifaInclosure Act 1773EjypYenPow Tajik19575 GenverBresel VietnamPow BelgHattie JacquesZimbabweChi Kemmynyon an Ruwvaneth UnysOmanSita KebekEmpire State BuildingTimor EstKesrosweythShenzhenSowsnekShreddiesIseldiryekBreselRepoblek MakedoniBaya KardydhWuhanEglos Katholik Romanek🡆 More