Karrek Wodhosek
Karrek wodhosek yw karrek gwrys dhyworth godhes, hemm yw temigow karrek movys gans an gwyns, dowr po rewlivow ha gesys dhe godha.
Droppys yw an godhes avel gweli, dell yw usys yn dowr war woles avon po’n mor. Pan vo moy a wodhes bernys war benn, an gweliow isella yw gwaskys war-barth dhe wul karrek.
 | |
| Ensampel a | rock type  |
|---|---|
| Klass | Karrek, stoffow godhosek |
 Restrennow kelmys war Gemmyn Wiki | |
Klassa karrygi godhosek
Possybyl yw dhe glassa karrygi godhosek po herwydh an argerdhow yw omgemeryansek rag aga furvyans, po aga homposyans (monydhieth).
Klassans yw selys war argerdhow
Yma peder eghen a garrygi godhosek herwydh an klassans ma.
- Karrygi klastek yw furvyes gans temigow a garrygi erel cymentys war-barth. Isglassys yw karrygi klastek herwydh myns an klastow: kevili ha brecchia yw furvyes gans temigow meur, myns grow po moy, kragen yw furvyes gans temigow tewes ha leysven gans an temigow moyha munys.
- Karrygi bewgymygiethel yw furvyes pan wrello organedhow usya stoffow teudhys yn dowr dhe dhrehevel aga horfow. Ensamplow a gomprehend kalgh (krib gwylar), glow ha chert.
- Karrygi kymygiethel yw furvyes po pan wrello stoffow teudhys yn dowr kodha po pan ethenno an dowr dhe asa an stoff.
- Karrygi godhesek erel a gomprehend tuffow loskvenydhyek tardhys gans loskvenydhyow po brecchia strokas kawsys gans tirans asteroyd war an Nor.
Klassans yw selys war gomposyans
- Karrygi komposys a glastow gwrys a vonyow silikon (Kevili, brecchia, kragen ha leysven)
- Karrygi komposys a vonyow karbonat (Kalgh ha dolomit)
- Karrygi komposys a vonyow furvyes dhyworth ethennans dowr (halit, jypsum hag anhidrit)
- Karrygi komposys a vynsow meur a stoffow organek (Glow ha kyllasen oyl)
- Karrygi rych yn horn (Furvyansow horn bondys)
- Karrygi rych yn monyow fosfat
Rol a garrygi godhosek
-
Kragen 'Furvyans Porth Kragen' yn Hartland Quay, Dewnans -
Tirwedh karst yn Guilin, China, gwrys a galgh -
Alsow pri yn Martha's Vineyard, Massachusetts, Statys Unys -
Alsow Gwynn Dover, gwrys a grey -
Furvyans horn bondys a Afrika Dhyghow -
Als kyllas yn Millook, ogas dhe Borthkragen, Kernow north -
Glowva yn Wyoming
This article uses material from the Wikipedia Kernowek/Karnuack article Karrek wodhosek, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.