Horn yw elven gymyk gans an arwodh Fe (dhyworth Latin: ferrum) ha'n niver atomek 26.
Alkan loos, krev, tennvenek yw. Pur gemmyn yw ev yn kolonnen ha kreven an Norvys. Devnydhys yw rag gul dur. Horn yw an elven boosa gwrys yn kres steren gemmyn. Pur gemmyn yw horn yn meyn kowas. Essensek yw dhe bub eghen vyw, mes kesstoffow horn a yll bos gwenonek. Gelwys yw fowt horn anemia. An hwarheans kynsa dhe deudhi horn dhyworth y vonow o an Hittites yn Turki, a-dro dhe 1,500 K.O.K.. Rann essensek a'n Hweldro Dhiwysyansel o gul horn, ow kul devnydh a gok yn le glowbren. Pur bosek o horn dhe wul arvow.
Ensampel a | Elven gymyk, alkan |
---|---|
Klass | medhegneth, native element as a mineral, primary metabolite |
Furvell gymyk | Fe |
Klevesow a dhyghtys | Anemia fowt horn, anemia hypokromik |
Dydhyas diskudhans | c. 5 millennium BC |
Niver atomek | 26 |
Aray an elektrons | [Ar] 3d⁶ 4s² |
Elektronegedhegedh | 1.83 |
Studh oksidyans | 2, 3 |
Rann a | period 4, bagas 8 |
Restrennow kelmys war Gemmyn Wiki |
Askorrans ollvysel horn yw moy ages 500 milvil tonnas an vledhen, ha 300 milvil tonnas moy yw eylgylghys. Y hyllir lettya gosseni gans gwiskas tanow a alkan aral, kepar ha sten po zynk, po kemyska horn hag alkan aral dhe wul kesalkenyow. Usys yw dur nikel rag ponsow ha peulyow tredan, dur tungsten ha vanadiom dhe wul toulys, dur manganes dhe wul arvow ha dur dinam rag daffar lymm.
Poos atomek horn yw 55.85, y boynt teudhi yw 1535°C ha'y boynt bryjyon yw 2750°C. Y dhosedh yw 7.9kg an liter.
This article uses material from the Wikipedia Kernowek/Karnuack article Horn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.