ಪ್ರಜ್ವಲ್ ದೇವರಾಜ್

ಅವರು ಕನ್ನಡ ಚಲನಚಿತ್ರ ಸಿಕ್ಸರ್ (2007) ಮೂಲಕ ಸ್ಯಾಂಡಲ್ವುಡ್ ಗೆ ಪಾದಾರ್ಪಣೆ ಮಾಡಿದರು, ಇದಕ್ಕಾಗಿ ಅವರು ಸುವರ್ಣ ಚಲನಚಿತ್ರ ಪ್ರಶಸ್ತಿಗಳಲ್ಲಿ ಅತ್ಯುತ್ತಮ ಚೊಚ್ಚಲ ನಟ ಪ್ರಶಸ್ತಿಯನ್ನು ಗೆದ್ದರು. ಇದರ ನಂತರ ಗ್ಯಾಂಗ್ಸ್ಟರ್ ಚಿತ್ರ ಗೆಳೆಯ (2007) ಗಲ್ಲಾಪೆಟ್ಟಿಗೆಯಲ್ಲಿ ಯಶಸ್ವಿಯಾಯಿತು.

ಅವರ ಇತರ ಗಮನಾರ್ಹ ಚಿತ್ರಗಳೆಂದರೆ ಮೆರವನಿಗೆ (2008), ಗುಲಾಮ (2009), ಮುರಳಿ ಮೀಟ್ಸ್ ಮೀರಾ (2011), ಸೂಪರ್ ಶಾಸ್ತ್ರಿ (2013) ಮತ್ತು ಗಲಾಟೆ (2013).ಅವರು ಕನ್ನಡ ಚಿತ್ರರಂಗದ ಪ್ರಮುಖ ನಟರಲ್ಲಿ ಒಬ್ಬರಾಗಿದ್ದಾರೆ.

ಪ್ರಜ್ವಲ್ "ಡೈನಾಮಿಕ್ ಹೀರೋ" ಎಂದು ಜನಪ್ರಿಯರಾಗಿರುವ ಪ್ರಸಿದ್ಧ ಕನ್ನಡ ನಟ ದೇವರಾಜ್ ಅವರ ಪುತ್ರರಾಗಿದ್ದಾರೆ. ಅವರಿಗೆ ಪ್ರಣಾಮ್ ಎಂಬ ಕಿರಿಯ ಸಹೋದರನಿದ್ದಾನೆ. ರೂಪದರ್ಶಿ ಮತ್ತು ಶಾಸ್ತ್ರೀಯ ನರ್ತಕಿಯಾಗಿರುವ ಅವರ ಬಾಲ್ಯದ ಗೆಳತಿ ರಾಗಿಣಿ ರವಿಚಂದ್ರನ್ ಅವರನ್ನು 2015 ರಲ್ಲಿ ವಿವಾಹವಾದರು.

ಶಿಕ್ಷಣ

ಪ್ರಜ್ವಲ್ ತನ್ನ ಸ್ನಾತಕ ಹಂತದ ಪದವಿಯನ್ನು ಜೈನ್ ವಿಶ್ವವಿದ್ಯಾಲಯದ ಮ್ಯಾನೇಜ್ಮೆಂಟ್ ಅಧ್ಯಯನ ಕೇಂದ್ರ, ಬೆಂಗಳೂರಿನಲ್ಲಿ ಪೂರ್ಣಗೊಳಿಸಿದರು. ಅವರು ಶ್ರೀ ಅರಬಿಂದೋ ಸ್ಮಾರಕ ಶಾಲೆಯಲ್ಲಿ ತಮ್ಮ ಶಾಲಾ ಶಿಕ್ಷಣವನ್ನು ಮಾಡಿದರು