ವೈಜ್ಞಾನಿಕ ಉಪಕರಣವು ಯಾವುದೋ ಒಂದು ರೀತಿಯಾದ ಸರಂಜಾಮು ಅಥವಾ ಸಾಧನ ಸಲಕರಣೆ ಆಗಿರಬಹುದು.ಇದನ್ನು ಯವಾಗಲೂ ಮಾದರಿಯ ಮೂಲಕ ನಿರ್ಮಿಸಲಾಗುತ್ತದೆ.
ವೈಜ್ಞಾನಿಕ ಉಪಕರಣವು ಪ್ರಯೋಗಾಲಯದ ಸರಂಜಾಮಿನ ಒಂದು ಭಾಗವಾಗಿದೆ ಆದರೆ, ಅದನ್ನು ಸುಸಂಸ್ಕೄ ತವಾಗಿ ಮತ್ತು ವಿಶೇಷವಾಗಿ ಪರಿಗಣಿಸಲಾಗುತ್ತದೆ. ವಿಜ್ಞಾನವು ಮುಂದುವರೆದಂತೆ ಅನೇಕ ವೈಜ್ಞಾನಿಕ ಉಪಕರಣಗಳು ಬೆಳಕಿಗೆ ಬಂದಿವೆ. ಹಿಂದೆ ನಿರ್ಮಿಸಿದ ಉಪಕರಣಗಳು ಇಂದು ಆಧುನಿಕತೆ ಹೊಂದಿ ಆಧುನಿಕ ಉಪಕರಣಗಳಾಗಿವೆ.ಇವುಗಳನ್ನು ಆಧುನಿಕ ಉಪಕರಣಗಳೆಂದೇ ಕರೆಯಬಹುದು. ವಿಜ್ಞಾನದಲ್ಲಿ ಅನೇಕ ಉಪಕರಣಗಳಿವೆ,ಅವುಗಳನ್ನು ಒಂದೊಂದಾಗಿ ಪರಿಚಯಿಸಲಾಗಿದೆ.
ಸ್ಟೆತೋಸ್ಕೋಪ್ ಇಂದು ಮೆಡಿಕಲ್ ವಿಭಾಗದಲ್ಲಿ ಉಪಯೋಗಿಸುವ ಅತ್ಯಂತ ಪ್ರಸಿದ್ದವಾದ ಉಪಕರಣವಾಗಿದೆ. ಇದನ್ನು ಮಾನವ ಅಥವಾ ಪ್ರಾಣಿಯ ದೇಹದ ಒಳ ಶಬ್ಧವನ್ನು ಕೇಳಿಸಿಕೋಳ್ಳಲು ಉಪಯೋಗಿಸುತ್ತಾರೆ. ಸ್ಟೆತೋಸ್ಕೋಪ್ ತೀವ್ರಗೋಳಿಸುವ ಶಬ್ಧವನ್ನು ಪೊನೆಂಡೋಸ್ಕೋಪ್ ಎಂದು ಕರೆಯುತ್ತಾರೆ.
ಸ್ಟೆತೋಸ್ಕೋಪ್ ಎನ್ನುವುದು ಹಿಂದೆ ಒಂದು ಗಟ್ಟಿ ಕೊಳವೆಯಾಕಾರವಾಗಿತ್ತು. ಅದನ್ನು ಫ್ರೆಂಚ್ ವಿಜ್ಞಾನಿ ರೀನೆ ಲಾನೆಕ್ ಎನ್ನುವವರು ೧೮೧೬ರಲ್ಲಿ ಕಂಡುಹಿಡಿದರು.ಆದರೆ ಇಂದು ಆದುನಿಕತೆ ಹೊಂದಿ ಆಧುನಿಕ ಸ್ಟೆತೋಸ್ಕೋಪವಾಗಿದೆ. ಆಧುನಿಕ ಸ್ಟೆತೋಸ್ಕೋಪವನ್ನು ಅಮೇರಿಕಾದ ಫಿಲಪ್ ಕ್ಯಾಮಸ್ ಕಂಡುಹಿಡಿದಿದ್ದಾರೆ.
ಹೃದಯದ ಬಡಿತವನ್ನು ಅಳೆಯಲು,ಹೃದಯ ಆರೋಗ್ಯವಾಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ತಿಳಿಯಲು ಉಪಯೋಗಿಸುತ್ತಾರೆ. ಶ್ವಾಸಕೋಶದ ಕರ್ಯಾವನ್ನು ತಿಳಿಯಲು,ರಕ್ತ ಚಲನೆಯನ್ನು ಪರೀ‍ಕ್ಷಿಸಲು ಸ್ಟೆತೋಸ್ಕೋಪವನ್ನು ಉಪಯೋಗಿಸುತ್ತಾರೆ. ಸ್ಟೆತೋಸ್ಕೋಪವುಸ್ಪಿಗ್ಮೋ ಮಾನೋಮೀಟರ್ ರ ಸಹಾಯ ಪಡೆದು ರಕ್ತದ ಒತ್ತಡವನ್ನು ಅಳತೆ ಮಡುತ್ತದೆ.
ಉಷ್ಣತಾಮಾಪಕವು ಒಂದು ಸಾಧನ ಸಲಕರಣೆ.ಇದು ತರತರಹದ ಸಾರ್ವತ್ರಿಕಗಳನ್ನು ಉಪಯೋಗಿಸಿಕೊಂಡು ಉಷ್ಣವನ್ನು ಅಳೆಯುತ್ತದೆ.ಉ‍‍ಷ್ಣತಾಮಾಪಕಕ್ಕೆ ಎರಡು ಧಾತುಗಳಿರುತ್ತವೆ:ಉ‍‍ಷ್ಣತಾಮಾಪಕ ಸೆನ್ ಸರ್, ಅದರಲ್ಲಿ ಭೌತಿಕ ವ್ಯತ್ಯಾಸ ಬರುತ್ತದೆ ಮತ್ತು ಭೌತಿಕ ವ್ಯತ್ಯಾಸಗಳನ್ನು ಸಂಖ್ಯೆಗಳ ಮಹತ್ವಕ್ಕೆ ಬದಲಾಯಿಸುತ್ತದೆ
ಪೋಲಂಡ್ ದೇಶದ ಗೆಬ್ರಿಯಲ್ ಪ್ಯಾರನ್ ಹೀಟ್ ಈ ಉ‍‍ಷ್ಣತಾಮಾಪಕದಲ್ಲಿ ಮೊದಲು ೧೭೦೯ರಲ್ಲಿ ಆಲ್ಕೋಹಾಲ್ ಬಳಸಿದ್ದರು ನಂತರ ೧೭೧೪ರಲ್ಲಿ ಆಲ್ಕೋಹಾಲ್ ಬದಲು ಪಾದರಸ ಬಳಸಿ ಉ‍‍ಷ್ಣತಾಮಾಪಕವನ್ನು ರೂಪಿಸಿದರು .
ಉಷ್ಣತಾಮಾಪಕವು ಭೌತಿಕದ ಪರಣಾಮಗಳನ್ನು ಉಪಯೋಗಿಸಿಕೊಂಡು ಉಷ್ಣವನ್ನು ಅಳೆಯುತ್ತದೆ.ಮದ್ಯಸಾರದ ಉ‍‍ಷ್ಣತಾಮಾಪಕ,[[ಗಾಜಿನ ಉ‍‍ಷ್ಣತಾಮಾಪಕದಲ್ಲಿರುವ ಪಾದರಸ]],ರೆಕಾರ್ಡು ಉ‍‍ಷ್ಣತಾಮಾಪಕಈ ಎಲ್ಲಾ ಉ‍‍ಷ್ಣತಾಮಾಪಕಗಳನ್ನು ವಾಯುಮಂಡಲದಲ್ಲಿಹಾಗೂ ಸಮುದ್ರದ ಅಂತದಲ್ಲಿ ಉಪಯೋಗಿಸುತ್ತಾರೆ. ಮೆಡಿಕಲ್ ಉ‍‍ಷ್ಣತಾಮಾಪಕವನ್ನು ಆರೋಗ್ಯ ಕೇಂದ್ರಗಳಲ್ಲಿ ಜ್ವರವನ್ನು ಪರೀ‍ಕ್ಷಿಸಲು ಉಪಯೋಗಿಸುತ್ತಾರೆ.ಇವುಗಳನ್ನು ಸಿಹಿತಿಂಡಿಗಳು ಮಾಡುವುದರಲ್ಲಿ ಉಪಯೋಗಿಸುತ್ತಾರೆ. ಮಂಜಿನ ಪರಿಸ್ಥಿತಿಯನ್ನು ತಿಳಿಯಲು ಇದನ್ನು ರಸ್ತೆದಾರಿಯಲ್ಲಿ ಉಪಯೋಗಿಸುತ್ತಾರೆ.
ದೂರದರ್ಶಕವು ಒಂದು ಉಪಕರಣ. ಇದು ವಿದ್ಯುತ್ ಕಾಂತ ಶಕ್ತಿ ವಿಸರಣವನ್ನ ಉಪಯೋಗಿಸಿಕೊಂಡು ದೂರದ ವಸ್ತುಗಳನ್ನು ಗಮನಿಸುತ್ತದೆ. ೨೦ನೇ ಶತಮನದಲ್ಲಿ ಬಹಳ ದೂರದರ್ಶಕಗಳು
ಬೆಳಕಿಗೆ ಬಂದವು,ಅವು ರೇಡಿಯೋ ದೂರದರ್ಶಕ, ಎಕ್ಸ್ ರೇ ದೂರದರ್ಶಕ,ಆಪ್ಟಿಕಲ್ ದೂರದರ್ಶಕ ಮುಂತಾದವು
ಮೊದಲು ಲಿಪ್ಪಿರಶೇ ಎಂಬುವವರು ದೂರದರ್ಶಕವನ್ನು ಕಂಡು ಹಿಡಿದಿದ್ದರು. ಆದರೆ ಆಧುನಿಕ ದೂರದರ್ಶಕವನ್ನು ಗೆಲಿಲಿಯೋ ಗೆಲಿಲಿ ತಯಾರಿಸಿದರು. ಪ್ರತಿಫಲನ ದೂರದರ್ಶಕವನ್ನು ೧೬೬೮ರಲ್ಲಿ ನ್ಯೂಟನ್ನರು ರಚಿಸಿದರು.
ದೂರದ ವಸ್ತುಗಳನ್ನು ನೋಡಲು ಉಪಯೋಗಿಸುತ್ತಾರೆ.ಉದಾಹರಣೆ:ಭೂಮಿಯಿಂದ ದೂರವಿರುವ ನಕ್ಷತ್ರ ,ಗ್ರಹಗಳು,ಉಲ್ಕೇನಗಳು ಮತ್ತು ಧೂಮಕೇತುಗಳನ್ನು ನೋಡಲು ಬಳಸುವರು. ಅತ್ಯಂತ ದೂರವಿರುವ ವಸ್ತುಗಳನ್ನು ಇದರ ಸಹಾಯದಿಂದ ನೋಡಬಹುದಾಗಿದೆ.
ವಿಜ್ಞಾನವು ಸಣ್ಣ ವಸ್ತುಗಳನ್ನು ತನಿಖೆ ಮಾಡುವ ಉಪಕರಣವನ್ನು ಸೊಕ್ಷ್ಮದರ್ಶಕ ಎಂದು ಕರೆಯುತ್ತಾರೆ.ಬರಿಗಣ್ಣಿಗೆ ಕಾಣದಂತಹ ವಸ್ತುಗಳನ್ನು ಇದರಿಂದ ನೋಡಲು ಸಾಧ್ಯವಾಗುತ್ತದೆ. ಆಪ್ಟಿಕಲ್ ಸೊಕ್ಷ್ಮದರ್ಶಕವು ಬಹಳ ಸಾಮಾನ್ಯವಾದುದು ಹಾಗೂ ಇದನ್ನು ಮೊದಲು ಕಂಡುಹಿಡಿದರು.
ಡಚ್ಛ ದೇಶದ ಜೀವಶಾಸ್ತ್ರಜ್ಞ ಆಂಟಿನ್ ವ್ಯಾಸ ಮತ್ತು ಲೀವನ್ ಹುಕ್ ತಯಾರಿಸಿದರು.ಸಂಯುಕ್ತ ಸೊಕ್ಷ್ಮದರ್ಶಕವನ್ನು ಸುಮಾರು ೧೬೦೦ ರಲ್ಲಿ ಡಚ್ಛ ದೇಶದ ಹಾನ್ಸ ಮತ್ತು ಜಕಾರಿಯಾಸ್ (ತಂದೆ ಮತ್ತು ಮಗ) ಇದನ್ನು ಸುಧಾರಿಸಿದರು.
ಸೊಕ್ಷ್ಮದರ್ಶಕವನ್ನು ಪ್ರಯೋಗಶಾಲೆಯಲ್ಲಿ ಪ್ರಾಣಿ ಅಥವಾ ಸಸ್ಯಗಳ ಅಂಗಾಂಶವನ್ನು ನೋಡಲು ಉಪಯೋಗಿಸುತ್ತಾರೆ.ವಸ್ತುವಿಗಿಂತ ಬಹಳ ದೊಡ್ಡದಾದ ಬಿಂಬವನ್ನು ಸಂಯುಕ್ತ ಸೊಕ್ಷ್ಮದರ್ಶಕದಿಂದ ಪಡೆಯಬಹುದು.ಇಂತಹ ವಸ್ತು ಬಹಳ ಅವಶ್ಯಕ.
ದ್ವಿನೇತ್ರ ದೂರದರ್ಶಕವು ಒಂದು ಜೋಡಿಯಾದ ತದ್ರೂಪವು, ಅದನ್ನು ದೃಷ್ಟಿಕೋನಕ್ಕೆ ಸರಿಯಾಗಿ ಪಕ್ಕ ಪಕ್ಕದಲ್ಲಿ ಒಂದೇ ದಿಕ್ಕಿಗೆ ಇಡಲಾಗಿದೆ.
ಗೆಲಿಲಿಯನ್ ದ್ವಿನೇತ್ರಗಳನ್ನು ಜೋಹನ್ ವಾಯಿಗ್ಟ್ ಲ್ಯಾಂಡರ್ ಎಂಬುವವರು ೧೮೨೦ ರಲ್ಲಿ ಕಂಡುಹಿಡಿದರು. ದ್ವಿನೇತ್ರ ಸೊಕ್ಷ್ಮದರ್ಶಕವನ್ನು ಸಾಗಿ ಮಾರ್ ಕೊವಿಕ್ ಮತ್ತು ಒರಿ ಶಾಹರ್ ಕಂಡುಹಡಿದರು.
ದ್ವಿನೇತ್ರವನ್ನು ಸಂಶೋಧನೆ ಮಾಡುವುದಕ್ಕೆ ಉಪಯೋಗಿಸುತ್ತಾರೆ.ವಿಜ್ಞಾನಿಗಳು ಆಕಾಶ,ಪಕ್ಷಿಗಳು ಮತ್ತು ಇನ್ನಿತರ ವಸ್ತುಗಳ ಬಗ್ಗೆ ತಿಳಿದುಕೊಳ್ಳಲು ಈ ಉಪಕರಣವನ್ನು ಉಪಯೋಗಿಸುತ್ತಾರೆ. ಪ್ರಯಾಣಿಕರು ಪ್ರೆಕ್ಷಣೀಯ ಸ್ಥಳಗಳನ್ನು ವೀಕ್ಷಿಸಲು,ಜನರು ಕ್ರಿಕೆಟ್ ಆಟವನ್ನು ನೋಡಲು, ಸೈನಿಕರು ಅವರ ಕರ್ತವ್ಯವನ್ನು ನಿರ್ವಹಿಸಲು ಸಹಾಯಕ್ಕಾಗಿ ಈ ಉಪಕರಣವನ್ನು ಉಪಯೋಗಿಸುತ್ತಾರೆ.
ವಿಭಿನ್ನ ಸಾಂದ್ರತೆಯ ಸೊಕ್ಷ್ಮ ಕಣಗಳನ್ನು ಪ್ರತ್ಯೇಕಿಸಲು ರಚಿಸಿರುವ ಸಾಧನವೇ ಸೆಂಟ್ರಿಪ್ಯೂಜ್. ಕಣಗಳಿರುವ ದ್ರವವನ್ನು ಚಿಕ್ಕ ಪ್ರಣಾಳದಲ್ಲಿ ಹಾಕಿ , ಅವುಗಳನ್ನು ಚೌಕಟ್ಟಿನಲ್ಲಿ ಜೋಡಿಸಿ ಹೆಚ್ಚು ವೇಗದಿಂದ ಒಂದು ಅಡ್ಡ ಸಮತಲದಲ್ಲಿ ಭ್ರಮಿಸುವಂತೆ ಮಾಡಿರುತ್ತಾರೆ.ಸೆಂಟ್ರಿಪ್ಯೂಜಿನಲ್ಲಿ ಹೆಚ್ಚು ಸಾಂದ್ರತೆಯ ಕಣಗಳು ಅಕ್ಷದಿಂದ ದೂರವಾಗಿಯೂ,ಕಡಿಮೆ ಸಾಂದ್ರತೆಯ ಕಣಗಳು ಅಕ್ಷದ ಕಡೆಗೂ ಸರಿಯುತ್ತದೆ.ಹೀಗಾಗಿ ವಿಭಿನ್ನ ಸಾಂದ್ರತೆಯ ಕಣಗಳು ಪ್ರತ್ಯೇಕಗೊಳ್ಳುತ್ತವೆ.
೧೮೬೪ರಲ್ಲಿ ಆಂಟೊನಿನ್ ಪ್ರಾಂದಿ ಮೊದಲ ಸೆಂಟ್ರಿಪ್ಯೂಜನ್ನು ಕಂಡುಹಿಡಿದಿದ್ದಾರೆ.
ಪ್ರೋಟಿನ್ ಗಳು, ವೈರಸ್ ಗಳು ಇತ್ಯಾದಿಗಳನ್ನು ಬೇರೆ ಬೇರೆ ದ್ರವ ಮಾಧ್ಯಮದಿಂದ ಬೇರ್ ಪಡಿಸಲು ಸೆಂಟ್ರಿಪ್ಯೂಜ್ ಹೆಚ್ಚು ಉಪಯೋಗಿಯಾಗಿದೆ.
ಸ್ಕ್ರೂಗೇಜ್ ಒಂದು ಭೌತಿಕ ಸಾಧನವಾಗಿದ್ದು ತುಂಬ ಚಿಕ್ಕ ಗಾತ್ರವನ್ನು ಹೊಂದಿರುವ ತಂತಿಯ ದಪ್ಪ, ಗಾಜಿನ ದಪ್ಪ ಮತ್ತು ಲೋಹದ ತಟ್ಟೆಯ ದಪ್ಪಗಳನ್ನು ಅಳತೆ ಮಾಡಲು ಉಪಯೋಗಿಸುತ್ತಾರೆ. ಇದು ಸ್ಕ್ರೂ ಮತ್ತು ನಟ್ ತತ್ವದ ಆಧಾರದ ಮೇಲೆ ಕೆಲಸ ನಿರ್ವಹಿಸುತ್ತದೆ.ಇದರಲ್ಲಿ ಎರಡು ಸ್ಕೇಲ್ ಗಳನ್ನು ಒಳಗೊಂಡಿದ್ದು ಒಂದನ್ನು ಪಿಚ್ ಸ್ಕೇಲ್, ಇನ್ನೊಂದನ್ನು ಹೆಡ್ ಸ್ಕೇಲ್ ಎಂದು ಕರೆಯುತ್ತಾರೆ. ಇದರ ಕನಿಷ್ಠ ಅಳತೆಯನ್ನು ಪಡೆದುಕೊಂಡು ಈ ಕೆಳಗಿನ ಸೂತ್ರದಿಂದ ವಸ್ತುಗಳ ದಪ್ಪವನ್ನು ಅಳತೆ ಮಾಡಬಹುದು. CR=P.S.R+(C.H.D.*LC)
೧೭ನೇ ಶತಮಾನದಲ್ಲಿ ವಿಲಿಯಂ ಗಾಸ್ ಕೋಜಿನ್ ಎಂಬುವವರು ಮೊದಲ ಮೈಕ್ರೋಮೀಟರ್ ಸ್ಕ್ರೂಗೇಜನ್ನು ಕಂಡುಹಿಡಿದರು.
ವರ್ನೀಯರ್ ಕ್ಯಾಲಿಪರ್ಸ್ ಒಂದು ಭೌತ ಸಾಧನವಾಗಿದ್ದು ಗೋಲಿಯ ವ್ಯಾಸ, ಸಿಲಿಂಡರನ ಕ್ಷೇತ್ರ ಫಲ ಮತ್ತು ಘನಫಲಗಳನ್ನು ಅಳೆಯುವ ಸಾಧನವಾಗಿದೆ.
ಈ ಸಾಧನವನ್ನು ಫ್ರೆಂಚ್ ವಿಜ್ಞಾನಿವರ್ನೀಯರ್ ಪಿರಿ ಎಂಬುವವರು ೧೬೩೧ ರಲ್ಲಿ ಕಂಡುಹಿಡಿದರು.
ಈ ಸಾಧನದಲ್ಲಿ ಎರಡು ದವಡೆಗಳು ಒಳಗೊಂಡಿದ್ದು ಈ ಎರಡು ದವಡೆಗಳ ಕೆಳಭಾಗದಲ್ಲಿ ಸಿಲಿಂಡರ ಮತ್ತು ಗೋಲಿಯ ರೂಪದ ವಸ್ತುಗಳನ್ನಿಟ್ಟು ವ್ಯಾಸವನ್ನು ಕಂಡು ಹಿಡಿಯಬಹುದು. ಟೊಳ್ಳಾದ ಸಿಲಿಂಡರನ ವ್ಯಾಸವನ್ನು ಕಂಡುಹಿಡಿಯಲು ಮೇಲ್ಮುಕ ದವಡೆಗಳನ್ನು ಉಪಯೋಗಿಸಲಾಗುವುದು.
ಅತ್ಯಂತ ಚಿಕ್ಕ ಭೌತಿಕ ವಸ್ತುಗಳ ತೂಕವನ್ನು ಅಳೆಯಲು ಉಪಯೋಗಿಸುವ ಸಾಧನವಾಗಿದೆ. ಈ ಯಂತ್ರದಲ್ಲಿ ಎರಡು ತಟ್ಟೆಗಳಿದ್ದು ಎಡಗಡೆಯ ತಟ್ಟೆಯಲ್ಲಿ ತೂಕದ ಬಟ್ಟುಗಳನ್ನು ಇಡುತ್ತಾರೆ, ಬಲಗಡೆಯ ತಟ್ಟೆಯಲ್ಲಿ ಭೌತಿಕ ವಸ್ತುಗಳನ್ನಿಟ್ಟು ಸ್ಕ್ರೂವನ್ನು ತಿರುವಿದಾಗ ಆ ತಟ್ಟೆಗಳು ಮೇಲಕ್ಕೇರಿ ಆ ವಸ್ತುವಿನ ತೂಕವನ್ನು ಅಳೆಯಬಹುದಾಗಿದೆ. ಆದರೆ ಇಂದು ಈ ಯಂತ್ರದ ಬದಲಾಗಿ ಆಧುನಿಕ ಡಿಜಿಟಲ್ ತುಲಾಯಂತ್ರಗಳು ಬಂದಿವೆ.ಬಂಗಾರ ಮತ್ತು ಬೆಳ್ಳಿ ಅಂಗಡಿಯಲ್ಲಿ ಇವುಗಳನ್ನು ಹಚ್ಚಾಗಿ ಉಪಯೋಗಿಸುತ್ತಾರೆ.
ವಿದ್ಯುತ್ಪ್ರವಾಹವನ್ನು ಅಳೆಯಲು ಗ್ಯಾಲನೋಮೀಟರ್ ಗಳೆ ಮೊದಲು ಬಂದ ಉಪಕರಣಗಳು.ಇದು ಒಂದು ತರಹದ ಸೂಕ್ಷ್ಮವಾದ[ಅಮ್ಮೀಟರ್]] ಆಗಿದೆ.
ಗ್ಯಾಲನೋಮೀಟರನ್ನು ಅತ್ಯಂತ ಸೂಕ್ಷ್ಮ ವಿದ್ಯುತ್ಪ್ರವಾಹವನ್ನು ಅಳೆಯಲು ಉಪಯೋಗಿಸುತ್ತಾರೆ. ಸಾಮಾನ್ಯವಾಗಿ ಬಳಸುವ ವಿದ್ಯುತ್ ಪಂಖ, ದೂರವಾಣಿ, ದ್ವನಿವರ್ಧಕ ವ್ಯವಸ್ಥೆ ಮೊದಲಾದ ಉಪಕರಣಗಳಲ್ಲಿ ಹರಿಯುವ ವಿದ್ಯುತ್ಪ್ರವಾಹದ ಪರಿಮಾಣವನ್ನು ಗುರುತಿಸಿ ನಿಖರವಾಗಿ ಅಳೆಯಲು ಗ್ಯಾಲನೋಮೀಟರನ್ನು ಉಪಯೋಗಿಸುವರು.
ಜೋಹರ್ ಶ್ವೀಗ್ಗರ್ ಎಂಬುವವರು ಈ ಉಪಕರಣವನ್ನು ಕಂಡುಹಿಡಿದರು.
ವೋಲ್ಟ್ ಮೀಟರ್ ವಿದ್ಯುತ್ ವಿಭವಾಂತರವನ್ನು ಅಳೆಯುವ ಸಾಧನವಾಗಿದೆ.ವಿದ್ಯುತ್ ಪ್ರವಹಿಸುತ್ತಿರುವ ವಾಹಕದ ಎರಡು ತುದಿಗಳ ನಡುವಿನ ವಿಭವಾಂತರವನ್ನು ಅಳೆಯಲು ಹಾಗೂ
ವಿದ್ಯುತ್ಕೋಶವನ್ನು ವಿದ್ಯುತ್ ಚಾಲಕ ಬಲವನ್ನು ಅಳೆಯಲು ಈ ಸಾಧನವನ್ನು ಉಪಯೋಗಿಸುತ್ತಾರೆ.
This article uses material from the Wikipedia ಕನ್ನಡ article ವೈಜ್ಞಾನಿಕ ಉಪಕರಣಗಳು, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ವಿಶೇಷವಾಗಿ ಟಿಪ್ಪಣಿ ಮಾಡದಿದ್ದ ಹೊರತು ಪಠ್ಯ "CC BY-SA 4.0" ರಡಿ ಲಭ್ಯವಿದೆ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ಕನ್ನಡ (DUHOCTRUNGQUOC.VN) is an independent company and has no affiliation with Wiki Foundation.
