ಸೋನಮ್ ಕಪೂರ್: ಭಾರತೀಯ ನಟಿ

ಇವರು ಬಾಲಿವುಡ್ ನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರಲ್ಲಿ ಒಬ್ಬರಾಗಿದ್ದಾರೆ. ಫಿಲ್ಮ್ಫೇರ್ ಮತ್ತು ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಸೇರಿದಂತೆ ಹಲವಾರು ಪ್ರಶಸ್ತಿಗಳನ್ನು ಸ್ವೀಕರಿಸಿದ್ದಾರೆ. ಇವರ ಆದಾಯ ಮತ್ತು ಜನಪ್ರಿಯತೆಯ ಆಧಾರದ ಮೇಲೆ ಫೋರ್ಬ್ಸ್ ಇಂಡಿಯಾದ ಸೆಲೆಬ್ರಿಟಿ ಪಟ್ಟಿಯಲ್ಲಿ ಸ್ಥಾನ ಸಂಪಾದಿಸಿದ್ದಾರೆ.

ಸೋನಮ್ ಕಪೂರ್
೨೦೧೭ ರಲ್ಲಿ ಸೋನಮ್
Born	(1985-06-09) ೯ ಜೂನ್ ೧೯೮೫ (ವಯಸ್ಸು ೩೮) ಮುಂಬೈ, ಮಹರಾಷ್ರ, ಭಾರತ
Occupation	ನಟಿ
Years active	೨೦೦೫–ರಿಂದ
Parent(s)	ಸುನಿತ ಅನಿಲ್ ಕಪೂರ್

ನಟ ಅನಿಲ್ ಕಪೂರ್ ಅವರ ಪುತ್ರಿ ಸೋನಮ್ ಕಪೂರ್ ಸಿಂಗಪುರದ ಯುನೈಟೆಡ್ ವರ್ಲ್ಡ್ ಕಾಲೇಜ್ ಆಫ್ ಸೌತ್ ಈಸ್ಟ್ ಏಷಿಯಾದಲ್ಲಿ ರಂಗಭೂಮಿ ಮತ್ತು ಕಲೆಗಳನ್ನು ಅಧ್ಯಯನ ಮಾಡಿದರು. 2005 ರ ಬ್ಲ್ಯಾಕ್ ಚಲನಚಿತ್ರದಲ್ಲಿ ಸಂಜಯ್ ಲೀಲಾ ಭಾನ್ಸಾಲಿ ಅವರಿಗೆ ಸಹಾಯಕ ನಿರ್ದೇಶಕರಾಗಿದ್ದರು. ಭನ್ಸಾಲಿಯ ಪ್ರಣಯ ಚಲನಚಿತ್ರ ಸಾವರಿಯ (2007)ದಲ್ಲಿ ತಮ್ಮ ನಟನೆಯನ್ನು ಪ್ರಾರಂಭಿಸಿದರು, ಇದಕ್ಕಾಗಿ ಅವರು ಫಿಲ್ಮ್ಫೇರ್ ಅತ್ಯುತ್ತಮ ಮಹಿಳಾ ಪಾದಾರ್ಪಣೆಗೆ ನಾಮನಿರ್ದೇಶನಗೊಂಡರು. ಮೂರು ವರ್ಷಗಳ ನಂತರ ಐ ಹ್ಯಾಟ್ ಲವ್ ಸ್ಟೋರೋಸ್ (2010) ಎಂಬ ರೊಮ್ಯಾಂಟಿಕ್ ಹಾಸ್ಯ ಚಿತ್ರದ ಮೂಲಕ್ ಮೊದಲ ಯಶಸ್ಸನ್ನು ಕಂಡರು.

ಹಲವು ವೈಫಲ್ಯಗಳ ನಂತರ, ರಾಂಝಣಾ (2013) ಸಿನೆಮಾ ಅವರ ವೃತ್ತಿಜೀವನದಲ್ಲಿ ಒಂದು ಮಹತ್ವದ ತಿರುವು ದೊರಕಿಸಿತು ಹಾಗೂ ಅತ್ಯುತ್ತಮ ನಟಿ ನಾಮನಿರ್ದೇಶನಗಳನ್ನು ಗಳಿಸಿತು. ನಂತರ ಅವರು 2014 ರೊಮ್ಯಾಂಟಿಕ್ ಹಾಸ್ಯ ಚಿತ್ರ ಖೂಬ್ಸುರಾತ್ ಮತ್ತು 2015 ರ ಹಾಸ್ಯ ಚಿತ್ರ ಡಾಲಿ ಕಿ ದೋಲಿಯಲ್ಲಿ ಕಾಣಿಸಿಕೊಂಡರು. ಇವೆರಡೂ ಅವರ ಫಿಲ್ಮ್ಫೇರ್ ಅತ್ಯುತ್ತಮ ನಟಿ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿತು. ಸೋನಮ್ ಪ್ರಖ್ಯಾತ ಬಾಲಿವುಡ್ ಚಲನಚಿತ್ರಗಳಲ್ಲಿ ಒಂದಾದ ಭಾವಾತಿರೇಕ ಪ್ರೇಮ್ ರತನ್ ಧನ್ ಪಯೋ (2015) ನಲ್ಲಿ ರಾಜಕುಮಾರಿಯಾಗಿ ನಟಿಸಿದರು. ಜೀವನಚರಿತ್ರೆಯ ಆಧಾರಿತ ನೀರ್ಜಾ (2016) ಸಿನೆಮಾಕ್ಕೆ ಅವರಿಗೆ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ - ವಿಶೇಷ ಉಲ್ಲೇಖ ಮತ್ತು ಫಿಲ್ಮ್ಫೇರ್ ಕ್ರಿಟಿಕ್ಸ್ ಪ್ರಶಸ್ತಿಯನ್ನು ಪಡೆದರು. ಇದು ಮಹಿಳಾ ಆಧಾರಿತ ಅತಿ ಹೆಚ್ಚು ಗಳಿಕೆಯ ಬಾಲಿವುಡ್ ಚಿತ್ರಗಳಲ್ಲಿ ಒಂದಾಗಿದೆ.

ಸೋನಮ್ ಕಪೂರ್ ಜೂನ್ ೯, ೧೯೮೫ ರಲ್ಲಿ ಚೆಮ್ಬುರ್, ಮುಂಬೈಯಲ್ಲಿ ಜನಿಸಿದರು. ಆಕೆಯ ತಂದೆ, ನಟ ಮತ್ತು ನಿರ್ಮಾಪಕ ಅನಿಲ್ ಕಪೂರ್, ದಿವಂಗತ ಚಲನಚಿತ್ರ ನಿರ್ಮಾಪಕ ಸುರೀಂದರ್ ಕಪೂರ್ ಅವರ ಮಗ ಹಾಗೂ ಅನಿಲ್ ಕಪೂರ್ ಫಿಲ್ಮ್ಸ್ ಕಂಪೆನಿಯ ಸ್ಥಾಪಕ. ಅವರ ತಾಯಿ ಸುನೀತಾ, ವಸ್ತ್ರ ವಿನ್ಯಾಸಕಾರತಿ. ಸೋನಮ್ ಎರಡು ಕಿರಿಯ ಸಹೋದರರನ್ನು ಹೊಂದಿದ್ದಾರೆ:ಸಹೋದರಿ ಚಲನಚಿತ್ರ ನಿರ್ಮಾಪಕಿ ರಿಯಾ ಮತ್ತು ಸಹೋದರ ಹರ್ಷವರ್ಧನ್. ಅವರು ಚಲನಚಿತ್ರ ನಿರ್ಮಾಪಕ ಬೋನಿ ಕಪೂರ್ ಮತ್ತು ನಟ ಸಂಜಯ್ ಕಪೂರ್ ಅವರ ಸೋದರ ಸೊಸೆ; ನಟಿ ಶ್ರೀದೇವಿ ಮತ್ತು ನಿರ್ಮಾಪಕ ಮೊನಾ ಶೌರಿ (ಬೋನಿ ಪತ್ನಿಯರು) ಅವರ ಅತ್ತೆ. ಅವರ ತಂದೆಯ ಸೋದರಸಂಬಂಧಿ ನಟರಾದ ಅರ್ಜುನ್ ಕಪೂರ್ ಮತ್ತು ಮೋಹಿತ್ ಮರ್ವಾ ಮತ್ತು ತಾಯಿಯ ಎರಡನೇ ಸೋದರಸಂಬಂಧಿ ನಟ ರಣವೀರ್ ಸಿಂಗ್.

 

ಸೋನಮ್ ಒಂದು ತಿಂಗಳ ಮಗು ಆಗಿದ್ದಾಗ ಕುಟುಂಬ ಜುಹುವಿಗೆ ಸ್ಥಳಾಂತರಗೊಂಡಿತು. ಅವರು ಜುಹುದಲ್ಲಿನ ಆರ್ಯ ವಿದ್ಯಾ ಮಂದಿರ ಶಾಲೆಯಲ್ಲಿ ವಿದ್ಯಾಭ್ಯಾಸ ಮಾಡಿದರು. ಅಲ್ಲಿ ಅವಳು "ಹಠಮಾರಿ" ಮತ್ತು "ನಿರಾತಂಕದ" ಮಗುವಾಗಿದ್ದು ಹುಡುಗರನ್ನು ಪೀಡಿಸುತ್ತಿದ್ದಳು ಎಂದು ಒಮ್ಮೆ ಹೇಳಿದ್ದಾರೆ. ಅವರು ರಗ್ಬಿ ಮತ್ತು ಬ್ಯಾಸ್ಕೆಟ್ಬಾಲ್ ನಂತಹ ಕ್ರೀಡೆಗಳಲ್ಲಿ ನಿಪುಣತೆಯನ್ನುಗಳಿಸಿದ್ದರು. ಕಥಕ್, ಶಾಸ್ತ್ರೀಯ ಸಂಗೀತಾ ಮತ್ತು ಲ್ಯಾಟಿನ್ ನೃತ್ಯದಲ್ಲಿ ತರಬೇತಿ ಪಡೆದರು. ಹಿಂದೂ ಧರ್ಮವನ್ನು ಅಭ್ಯಸಿಸುತ್ತಿರುವ ಸೋನಮ್, "ಸಾಕಷ್ಟು ಧಾರ್ಮಿಕ" ಎಂದು ಹೇಳುತ್ತಾರೆ. ೧೫ ನೆ ವಯಸ್ಸಿಗೆ ವೈಟರಾಗಿ ತಮ್ಮ ಕೆಲಸವನ್ನು ಪ್ರಾರಂಭಿಸಿದರು, ಆದರೂ ಇದು ಒಂದು ವಾರದೊಳಗೆ ಕೊನೆಗೊಂಡಿತು.

ಸಿನಿಮಾಗಳು

Key

ಇನ್ನೂ ಬಿಡುಗಡೆಯಾಗದ ಸಿನಿಮಾಗಳನ್ನು ಸೂಚಿಸುತ್ತವೆ

ವರ್ಷ	ಶೀರ್ಷಿಕೆ	ಪಾತ್ರ	ಟಿಪ್ಪಣಿ
೨೦೦೫	ಬ್ಲ್ಯಾಕ್	—	ಸಹ ನಿರ್ದೇಶಕಿ
೨೦೦೭	ಸಾವರಿಯಾ	ಸಕೀನಾ
೨೦೦೯	ದೆಹಲಿ -6	ಬಿಟ್ಟು ಶರ್ಮಾ
೨೦೧೦	ಐ ಹೇಟ್ ಲವ್ ಸ್ಟೋರಿ	ಸಿಮ್ರನ್
೨೦೧೦	ಆಯಿಷಾ	ಆಯಿಷಾ ಕಪೂರ್
೨೦೧೧	ಥ್ಯಾಂಕ್ ಯು	ಸಂಜನಾ ಮಲ್ಹೋತ್ರಾ
೨೦೧೧	ಮೌಸಮ್	ಆಯತ್ ರಸೂಲ್
೨೦೧೨	ಪ್ಲೇಯರ್ಸ್	ನೈನಾ ಬ್ರಾಗನ್ಸಾ
೨೦೧೩	ಬಾಂಬೆ ಟಾಕೀಸ್	ಸ್ವತಃ	ಅಪ್ನಾ ಬಾಂಬೆ ಟಾಕೀಸ್ ಹಾಡಿನಲ್ಲಿ ವಿಶೇಷ ಪಾತ್ರ
೨೦೧೩	ರನ್ಜಾನಾ	ಝೋಯಾ ಹೈದರ್
೨೦೧೩	ಭಾಗ್ ಮಿಲ್ಕಾ ಭಾಗ್	ಬಿರೋ
೨೦೧೪	ಬೇವಕೂಫಿಯಾ	ಮಯೇರ ಸೆಹೆಗಲ್
೨೦೧೪	ಖೂಬ್ಸೂರತ್	ಡಾ.ಮೃಣಾಲಿನೀ ಮಿಲ್ಲಿ ಚಕ್ರವರ್ತಿ
೨೦೧೫	ಡಾಲಿ ಕಿ ಡೋಲಿ	ಡಾಲಿ
೨೦೧೫	ಪ್ರೇಮ್ ರತನ್ ಧನ್ಪಾಯೋ	ರಾಜ್ಕುಮಾರಿ ಮೈಥಿಲಿ ದೇವಿ
೨೦೧೬	ನೀರಜಾ	ನೀರ್ಜಾ ಭನೋತ್
೨೦೧೮	ಪ್ಯಾಡ್ ಮ್ಯಾನ್	ಪರಿ ವಾಲಿಯಾ
೨೦೧೮	ವೀರೆ ದಿ ವೆಡ್ಡಿಂಗ್	ಅವ್ನಿ ಶರ್ಮಾ
೨೦೧೮	ಸಂಜು	ರೂಬಿ
೨೦೧೯	ಏಕ್ ಲಡ್ಕೀ ಕೊ ದೇಖಾ ತೊ ಯೇಸಾ ಲಗಾ	ಸ್ವೀಟಿ ಚೌಧರಿ
೨೦೧೯	ದಿ ಜೋಯಾ ಫ್ಯಾಕ್ಟರ್	ಜೋಯಾ ಸಿಂಗ್ ಸೋಲಂಕೀ	ಫಿಲ್ಮಿಂಗ್

ಸಂಗೀತ ಮತ್ತು ವೀಡಿಯೋ ಪ್ರದರ್ಶನಗಳು

•  
  ಮೌಸಮ್ ಚಿತ್ರದ ಪ್ರಚಾರದ ಸಮಯದಲ್ಲಿ ಸೋನಮ್ ಕಪೂರ್
•  
  ಆಯಿಷಾ ದ ಆಡಿಯೋ ರಿಲೀಸ್ ಸಮಯದಲ್ಲಿ ಸೋನಮ್
•  
  ೨೦೧೫ ರಲ್ಲಿ ಸೋನಮ್ ಕಪೂರ್
•  
  ಮೌಸಮ್ ಚಿತ್ರದ ಪ್ರಚಾರದ ಸಮಯದಲ್ಲಿ ಸೋನಮ್ ಕಪೂರ್ ಹಾಗೂ ಶಾಹಿದ್ ಕಪೂರ್
•  
  ಸೋನಮ್ ಕಪೂರ್ - ರೇಡಿಯೋ ಮಿರ್ಚಿ
•  
  ಐಐಜೆಡಬ್ಲ್ಯೂ ೨೦೧೨ ರ ಉದ್ಘಾಟನೆ ಸಮಾರಂಭದಲ್ಲಿ ಸೋನಮ್
•  
  ದೆಹಲಿ ಯಲ್ಲಿ ನಡೆದ ಪ್ರೋ ಕಬಡ್ಡಿಯಲ್ಲಿ ಸೋನಮ್
•  
  ೨೦೧೩ ರ ಐಐಜೆಡಬ್ಲ್ಯೂ ನಲ್ಲಿ ಸೋನಮ್ ಕಪೂರ್
•  
  ೨೦೧೩ ರ ಐಐಜೆಡಬ್ಲ್ಯೂ ನ ಫಿನಾಲೆಯಲ್ಲಿ ಸೋನಮ್