លីអូណែល មេសស៊ី
លីអូណែល មេសស៊ី (កើតថ្ងៃទី២៤ ខែមិថុនា ឆ្នាំ១៩៨៧) ជាកីឡាករបាល់ទាត់អាជីពអាហ្សង់ទីន បច្ចុប្បន្នលេងនៅក្លឹប ប៉ារីស សេនជើមិន របស់ប្រទេសបារាំង និង លេងឲ្យក្រុមជំរើសជាត់អាហ្សង់ទីន។ គាត់លេងក្នុងមុខងារជាខ្សែប្រយុទ្ធ និង មានតួនាទីជាប្រធានក្រុម ក្រុមជំរើសជាតិអាហ្សង់ទីន។
ត្រឹមអាយុ២១ឆ្នាំ មេសស៊ីស្ថិតនៅចំណោមកីឡាករដែលត្រូវជ្រើសរើសឲ្យទទួលពានរង្វាន់បាល់មាស (បាឡុងដ័រ) និង កីឡាករលេងបានល្អបំផុតប្រចាំឆ្នាំរបស់ហ្វីហ្វា (FIFA)។ នៅឆ្នាំបន្ទាប់ គឺឆ្នាំ២០០៩ គាត់ក៏បានឈ្នះពានរង្វាន់បាល់មាស (បាឡុងដ័រ) និង កីឡាករលេងបានល្អបំផុតប្រចាំឆ្នាំរបស់ហ្វីហ្វា ជាលើកដំបូង។ មួយឆ្នាំក្រោយមក គាត់ក៏ឈ្នះពាន់រង្វាន់ ហ្វីហ្វាបាឡុងដ៏រ ២០១០ (ពានរង្វាន់ហ្វីហ្វាបាល់មាស FIFA Ballon d'or) ដែលគាត់ជាកីឡាករដំបូងគេដែលបានឈ្នោះពាននេះ និងឈ្នះជាប់ៗគ្នា ក្នុងឆ្នាំ២០១០ ២០១១ និង ២០១២។ គាត់ឈ្នះពានកីឡាលេងល្អជាងគេនៅអ៊ឺរ៉ុបរបស់យូអិហ្វា (UEFA) រដូវកាល ២០១០-១១។ ត្រឹមអាយុ២៤ឆ្នាំ មេសស៊ីបានក្លាយជាកីឡាករដែលរកបានគ្រាប់បាល់ស៊ុតបញ្ចូលទីបានច្រើនជាងគេរបស់ក្លឹបបារសេឡួណាសម្រាប់ការប្រកួតជាផ្លូវការ។ នៅខែកញ្ញាឆ្នាំ២០១៤ គាត់រកបានគ្រាប់ទី៤០០ គិតទាំងនៅក្នុងក្លឹបនិងក្រុមជំរើសជាតិ។ នៅខែវិច្ឆិកា គាត់ក៏ក្លាយជាកីឡាករដែលបានស៊ុតបញ្ចូលទីបានច្រើនជាងគេនៅឡា លីហ្គា (លីកកំពូលរបស់អេស្ប៉ាញ)។ ត្រឹមថ្ងៃទី០៤ ខែធ្នូ ២០២២ គាត់រកបាន ៧៨៩គ្រាប់ សម្រាប់អាជីពបាល់ទាត់។
This article uses material from the Wikipedia ភាសាខ្មែរ article លីអូណែល មេសស៊ី, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.