គំរោងម៉ាន់ហាត់ថាន់ គឺជាឈ្មោះគំរោងការណ៍ក្នុងការអភិវឌ្ឍន៍ផលិតគ្រាប់បែកបរមាណូសំរាប់ប្រើក្នុងសង្គ្រាមលោកលើកទី២។ គំរោងការណ៍នេះដឹកនាំដោយសហរដ្ឋអាមេរិក និងមានការចូលរួមពីអង់គ្លេសនិងកាណាដា។
គំរោងការណ៍នេះចាប់ផ្ដើមនៅឆ្នាំ១៩៣៩ គឺនៅពេលដែល លេអូ ស៊ីឡាដ ជំរុញអោយលោកអាល់បឺត អែងស្តែង ចុះហត្ថលេខាលើសំបុត្រផ្ញើជូនប្រធានាធិបតីរ៉ូស្វែល ដើម្បីបង្ហាញពីក្ដីបារម្ភរបស់លោកថាពួកណាស៊ីអាល្លឺម៉ង់អាចកំពុងអភិវឌ្ឍអាវុធនុយក្លេអ៊ែរ។ គំរោងការណ៍បរមាណូអាមេរិចចាប់ផ្ដើមឡើងក្នុងទ្រង់ទ្រាយតូច ក្នុងការសិក្សាពីលទ្ធភាពប្រើប្រាស់ប្រតិកម្មបំបែកនុយក្លេអ៊ែរសំរាប់ប្រើក្នុងពេលមានសង្គ្រាម។ ប៉ុន្តែគំរោងនេះបានរីកធំរហូតដល់មានប្រើប្រាស់កំលាំងពលកម្មជាង១៣ម៉ឺននាក់ និងចំណាយទឹកប្រាក់ប្រមាណ ២ពាន់លានដុល្លាអាមេរិច (សមាមាត្រនឹង២២ពាន់លានដុល្លាអាមេរិចនាពេលបច្ចុប្បន្ន) គិតមកត្រឹមខែសីហាឆ្នាំ១៩៤៥។ ជាលទ្ធផល គេឃើញមានការស្ថាបនាទីតាំងពិសោធនិងផលិតជាច្រើន ដែលការសាងសង់និងដំណើរការប្រព្រឹត្តទៅយ៉ាងសំងាត់បំផុត។
This article uses material from the Wikipedia ភាសាខ្មែរ article គំរោងម៉ាន់ហាត់ថាន់, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.