Proyék Manhattan inggih punika panilikan miwah pangembangan ritatkala Yuda Jagat II sané ngasilang sanjata nuklir kapertama.
Punika kamuncukin olih Amérika Serikat antuk dukungan saking Britania Agung miwah Kanada. Saking warsa 1942 ngantos 1946, proyék puniki magenah ring soor Mayor Jénderal Leslie Groves saking Korps Insinyur Angkatan Darat A.S. Fisikawan nuklir Robert Oppenheimer punika diréktur Laboratorium Los Alamos sané ngarancang bom sujatiné. Komponén Angkatan Darat saking proyék punika katetapang dados Distrik Manhattan antuk markas kapertama ring Manhattan; parinama genag sacara matahap ngentosin aran kode resmi, Pangembangan Lakaran Pangentos, antuk makasami proyék. Ring pamarginé, proyek punika ngambil sawitra Britania Agung sadurungné, Tube Alloys. Proyék Manhattan kakawitin sacara sadarana ring warsa 1939, sakéwanten makembang ngantos nganggén pakarya langkung saking 130.000 diri miwah ngambil pabéa sawatara US$2 miliar (pateh sareng $26 miliar ring 2022). Langkung saking 90 persén pabéa kaanggén antuk ngawangun pabrik miwah ngaproduksi lakaran fisil, antuk kirang saking 10 persén antuk pangembangan miwah produksi senjata. Panilikan miwah produksi kalangsungang ring langkung saking tiga dasa genah sané kasebar jimbar ring Amérika Serikat, Britania Agung, miwah Kanada.
This article uses material from the Wikipedia Bali article Proyék Manhattan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Daging kasayagayang ring sor CC BY-SA 4.0 ritatkala nénten wénten uahan. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bali (DUHOCTRUNGQUOC.VN) is an independent company and has no affiliation with Wiki Foundation.