Үлкен Сұқсыр
Үлкен сұқсыр - Қазақстандағы сұқсыр үйрек туысының 5 өкілінің ішіндегі ең ірісі (салмағы 700-1400 г).
Бұл дүние жүзінде кең таралған құс, еліміздің барлық су қоймаларында қоныстанған. Оның сыртқы пішіні есте қаларлықтай - көктем мен жазда оның басын сәнді жағасы мен тік тұрған құлақтары әшекелейді. Тек қыркүйек-қазанда қыстауға, наурыз-сәуірде кері ұшқаннан басқа, бүкіл өмірі суда өтеді. Жақсы жүзеді, сүңгиді. Қамыс, қоға сабақтарынан су бетінде жүзуге ыңғайлы ұя салады. Тіршілік ететін ұядан басқа, 3-7 жұмыртқасын салатын қосымша ұя және дем алатын алаңы болады. Көктемде күйлеу кезінде, ересек құстар су бетінде күрделі биін билейді. Бір-біріне сыйлыққа бір уыс балдыр немесе жеуге жарамды нәрсені береді. Бұйығы құс, тек кейде оның ащы "қарқылдауын", ал балапандарын ертіп жүргенде жай "кек-кек" дегенін естуге болады. Осылай ересектері балапандарына өздерінің қайда екендігінен хабар береді. Ұсақ балықтармен, сонымен қатар су омыртқасыздарымен - жүзгіш қоңыздар, cу қандалалары, инеліктер және маса дернәсілдерімен қоректенеді.
Дереккөздер
Қазақстандағы жануарлар әлемі. Ғылыми көпшілік басылым .А.Ф.Ковшарь, В.А .Ковшарь.
This article uses material from the Wikipedia Қазақша article Үлкен сұқсыр, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәлімет CC BY-SA 4.0 лицензиясы аясында қолжетімді (басқа шарттар көрсетілмеген жағдайда). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Қазақша (DUHOCTRUNGQUOC.VN) is an independent company and has no affiliation with Wiki Foundation.