ؤرانوس (الرمز: ) هو لكوكب سّابع من شّمش.
سميتو جايا من لإله ليوناني ديال سّما، ؤرانوس، لّي، بحساب لميثولوجيا ليونانية، كان هو جد زوس (جوپيتر) ولأب ديال كرونوص (ساتورن). عندو تالت أكبر شعاع كوكبي ورابع أكبر كتلة كوكبية ف لمجموعة الشمسية. ؤرانوس كايشبه ف تّركيبة ل نيپتون، و بجوج عندهوم مجموعة د لمكونات الشيمية لي مبدلة على عمالقة لغاز لي كبر منو ولي هوما جوپيتر و ساتورن. لهاد سّباب لعولاما غالبا ما كايصنفو ؤرانوس ونپتون ك "عمالقة تّلج" باش يفرقوهوم علا عمالقة لغاز لوخرين. لجو ديال ؤرانوس كايشبه ل ديال جوپيتر و ساتورن ف تّركيبة لأساسية ديال لهيدروجين و لهيليوم، بلحاق عنو "تلوجا" كتر بحال لما و لآمونيا و لميطان، معا آتار ديال هيدروكاربورات آخرين. عندو أبرد جو كوكبي ف لمجموعة شّمسية، و لحرارة طّايحة ݣاع هي 49 كيلڤين (224- °سيلزيوس؛ 371- °فاهرنهايت)، وعندو تركيبة معقدة و بطبقات ديال لجو لي فيه لما لي كايضنو لعولاما بلّي كاين ف سّحاب لتحتاني و لميطان ف سّحاب لفوقاني ݣاع. لداخل د ؤرانوس متكون ب لأساس من تلوجا و لحجر.
ؤرانوس | ||
ؤرانوس مصور ك ديسك ماباين عليه والو ب ڤواياجور 2 ف 1986. | ||
الرمز | ||
تاريخ لكتيشاف | 13 مارس 1781 | |
اللي كتاشفو | ويليام هيرشل | |
تسمى على | أورانوس و أورانيا | |
لبيانات لمعبورة | ||
نص لقطر | 25,362 كم | |
لكتلة | 86,810 يوغ | |
حرارة السطح | K | |
التفلطح | 0.0229 | |
لبيانات دلمدار | ||
نص لمحور الرئيسي | 2,870,658,186 كم | |
لحضيض | 2,734,998,229 كم | |
لأوج | 3,006,318,143 كم | |
لينحيراف لمداري (e) | 0.04725744 | |
زاوية لحضيض (ω) | ° | |
الدورة (P) | 84.0205 a | |
زاوية لميلان (i) | دقيقة قوسية |
تقدر تزيد شوف بزاف د تّصاور و لمعلومات ديال Uranus (planet) ف ويكيميديا كومنز. |
هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article ؤرانوس, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.