Lisitɛnsɩtayɩnɩ
Lisitɛnsɩtayɩnɩ kɛna Erɔpʊ ilemiye hɛkʊ taa (nabayɩ tɔŋ se wɩsɩ ɖɩɖʊyɛ taa) ɛjaɖɛ naɖɩyɛ.
Ɛjaɖɛ ɖɩnɛ teŋgu nakʊyʊ tɔcɔɔ-ɖɩ nɛ kɩta. Ɛjaɖɛ ɖɩnɛ nɛ ɖɩ-wɩsɩ ɖɩɖʊyɛ taa nɛ ɖɩ-hadɛ kiŋ lɛ, Suwisii ɛjaɖɛ wɛna piyele nɛ wɩsɩ ɖɩlɩyɛ taa nɛ hayʊ kiŋ ɖɔɖɔ lɛ nɖɩ payaɣ-ɖɩ se Otirisii yɔ nɖɩ ŋ̃ɛwɛna. Keteŋga kpeekpe taa lɛ, Lisitɛnsɩtayɩnɩ kɛŋna ɛjaɖɛ nɖɩ ɖɩ-taa ɛyaa kɩlɩɣ hiiwuu ñɩm yɔ nɛ peeɖe ɖɔɖɔ ɛyaa mba petehiɣ tɔma yɔ pakɩla wɛʊ ñɩɩɩ kɛ keteŋga kpeekp taa nɛ pɩnaɣ 2011 taa pakala pɩ-tɛ ɛyaa lɛ, patatalɩ 2,5 kɛ mɩnɩʊ yɔɔ. Ɛjaɖɛ ɖɩnɛ nɖɩ kɩlɩna wɛʊ ñɩɩɩ kɛ ajɛya wena ayɔɔdʊʊ caama kʊnʊŋ yɔ a-taa nɛ nɖɩ ɖɔɖɔ kɩlɩna wɛʊ kɛ Alpɩwaa taa yeli.
| Lisitɛnsɩtayɩnɩ Liechtenstein | |||
| Fichier:Location Liechtenstein EU Europe.png Liechtenstein tɛlɛŋa | |||
| |||
| Tʋmɩyɛ taa kʋnʋmɩŋ: | Caama | ||
| Tɛtʋ sɔsɔtʋ: | . | ||
| Ɛjadɛ kɛ mbʋ yɔ: | . | ||
| Ɛjaɖɛ ñʋʋdʋ: | . | ||
| Ɛjaɖɛ walanzɩ: | 160 km² | ||
| Samaɣ ñʋʋ: | 37,340 (2014) | ||
| Tɛtʋ hɔɔlʋʋ samaɣ ñʋʋ: | 227 km² | ||
| Internet nimaɣ: | . | ||
Pamaza Lisitɛnsɩtayɩnɩ ɛjaɖɛ ɖɩnɛ ɖɩ-walanzɩ lɛ, panaa se ɖɩ-walanzɩ talɩ 160 km2 nɛ ɖenɖe lɩm wɛɛ yɔ, peeɖe takɩlɩ ɖɔʊ. Ɖooo pɩnaɣ 2013 taa pakalɩ kɩgalʊʊ kɛ ɛjaɖɛ ɖɩnɛ ɖɩ-taa lɛ pana ɛyaa ɛzɩ 36 925 yɔ; pʊtɔbʊʊ se papɩzɩɣ pana ɛyaa ɛzɩ 232 yɔ kɛ km2 taa. Hasɩyaɖɛ fenaɣ 12 pɩnaɣ 1806 kɛ ɛjaɖɛ ɖɩnɛ ɖɩmʊ ɖɩ-tɩ yɔɔ wɛʊ. Payaɣ Lisitɛnsɩtayɩnɩ kewiyaɣ ñʊʊdʊ kɩfalʊ se Hans Adam II nɛ ɛjaɖɛ ɖɩnɛ ɖɩ-tɛ komina ñʊʊdʊ kɩfalʊ payaɣ se Adrian Hasler.
Kʊnʊŋ ŋgʊ pakɩlʊʊ yɔɔdʊʊ ɛjaɖɛ ɖɩnɛ ɖɩ-tɛ komina tʊma taa nɛ pawɩlʊʊ-kʊ sukulinaa taa ɖɔɖɔ yɔ, ŋgʊ lɛ Caama. Ɛjaɖɛ ɖɩnɛ ɖɩ-taa tɛtʊ sɔsɔtʊ payaɣ se Faduuzi ɛlɛ ndʊ tɩkɩla walanzɩ yɔ ndʊ lɛ Saanɩ. Yee ɛyʊ ɛsɔɔlaa se ɛyaa nɔɔyʊ kɛ kaŋgalafu yɔɔ ɛjaɖɛ ɖɩnɛ ɖɩ-taa kɔyɔ, pɩkɛna-ɩ kɩjɛyʊʊ se ɛma +423 ɛ-tɛ kaŋgalafu kpata yɔɔ pʊcɔ ŋɛ ɛɛma pɩtɛ ɛyʊʊ kaŋgalafu nimaɣ mayaɣ. Pakpazʊʊ ɛjaɖɛ ɖɩnɛ ɖɩ-tɛ kɩɖaʊ kɛdɛɛka nɛ pɛtɛ lɛ, pocosuu se Ɛsɔ yɔɔ kɛ, kewiyaɣ ñʊʊdʊ nɛ ɛjaɖɛ.
Liidiye nɖɩ pɔtɔkɩ-ɖɩ peeɖe yɔ payaɣ-ɖɩ se suwiisi liidiya.
| Eerɔpɩ |
| Caama • Ɛsɩpaañɩ • Fatiikaŋ • Fransɩɩ • Hɔŋirii • Irɩlandɩ • Isilandɩ • Itaalii • Kewiyaɣ Kɩkpɛndaɣ • Krɛsɩ • Liechtenstein • Otirisi • Pɛliziki • Peyibaa • Piyeeloorusi • Pɔlɔɔñɩ • Pɔritigaalɩ • Puligari • Ruusii • Siloveni • Siloovaakii • Suwiisi • Sʊyɛdɩ • Ukurɛnɩ |
This article uses material from the Wikipedia Kabɩyɛ article Lisitɛnsɩtayɩnɩ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mbʋ pɛwɛɛ pɩ-taa yɔ pʋwɛɛ pɩcɛlɩna paa weyi yee ɛyʋ ɛwɛna waɖɛ yɔ asaa yee nabʋyʋ ɛwɛ ndɩ lɛ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kabɩyɛ (DUHOCTRUNGQUOC.VN) is an independent company and has no affiliation with Wiki Foundation.