Tekseriwdiń múmkinligi — Wikipedia paydalanıwshıları basqalar kirgizgen maǵlıwmatlar isenimli dereklerden alınǵanlıǵın teksere alıwın ańlatadı.
Qısqasha: Citatalar hám hárqanday gúmanlı maǵlıwmatlar abıroylı derekler menen tastıyıqlanıwı tiyis — oqıwshı olardıń haqıyqıylıǵın tekseriw múmkinshiligine iye bolıwı kerek. |
Wikipediada óz betinshe izertlewler járiyalanbaydı. Enciklopediya maqalaları paydalanıwshılardıń jeke kózqarasları yamasa tájiriybelerine emes, bálkim aldınnan baspadan shıǵarılǵan maǵlıwmatlarǵa súyenip jazıladı. Sol ushın maqala jazıwshılar bir maǵlıwmattıń haqıyqat ekenligine kózi jetip tursa da, enciklopediyaǵa qosıwdan aldın onı tekseriw múmkinligine isenimi tolıq bolıwı kerek. Isenimli dereklerde túrli kózqaraslar kórsetilgen bolsa, biytárep kózqarastı saqlaw hám túrli dereklerde aytılǵanlardı kórsetip ótiw tiyis. Bunda hár bir kózqaras proporcional túrde sáwlelendiriliwi kerek.
Wikinıń tiykarǵı atamalar kópligindegi barlıq materiallar, atap aytqanda, maqalalar, dizimler hám fayllar táriypidegi hámme zattı tastıyıqlaw múmkin bolıwı kerek. Barlıq citatalar hám tekseriliwi múmkinligine isenimsizlik bildirilgen yamasa bildiriliwi múmkin bolǵan hár qanday materialda onı tuwrıdan-tuwrı tastıyıqlaytuǵın isenimli derekke silteme bolıwı kerek. Derekke mútáj, biraq ol qoyılmaǵan hár qanday materialdı óshirip taslaw múmkin.
Citatalardı qalay qosıw haqqında úyreniw ushın dereklerge kórsetpeler beti menen tanısıp shıǵıń. Tekseriw múmkinshiliginiń bar ekenligi, óz betinshe izertlewlerdiń qadaǵanlıǵı hám biytárep kózqaras qaǵıydaları Wikinıń kontent boyınsha tiykarǵı principleri bolıp esaplanadı. Olar bári birge kontenttiń Wikipediaǵa say ekenligin belgilew ushın qollanıladı, sol sebepli paydalanıwshılar bul úsh principti túsiniwi kerek. Sonıń menen birge, maqalalar avtorlıq huqıqları siyasatina da sáykes keliwi kerek.
This article uses material from the Wikipedia Qaraqalpaqsha article Wiki:Tekseriwdiń múmkinligi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maǵlıwmat CC BY-SA 4.0 litsenziyası boyınsha alınǵan (eger basqa shártler kórsetilmese). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qaraqalpaqsha (DUHOCTRUNGQUOC.VN) is an independent company and has no affiliation with Wiki Foundation.