Iti Wikipedia, ti pannakapatalged ket kaibuksilanna a ti tattao nga agbasbasa ken agur-urnos ti ensiklopedia ket mabalinda a kumita no dayta a pakaammo ket nagtaud iti maysa a mapagtalkan a taudan.
Ti Wikipedia ket saan nga agipabpablaak ti kasisigud a panagsukimat. Ti linaonna ket maikeddeng babaen ti naipablaaken a pakaammo, imbes a dagiti bukod a panagsanay ken pammati dagiti editor. Uray no siguradoka a ti maysa a banag ket pudno, daytoy ket nasken a mapatalgedan sakbay a mainayonmo daytoy. No dagiti mapatalgedan a taudan ket di umanamong, dagiti pannakaisuppiatda ket nasken a mairepresenta manipud iti agmangngamangnga a nalinteg a pamanunutan.
Amin a banag iti nangruna nga espasio ti Wiki, ken mairaman amin dagiti adda nga artikulo, dagiti listaan ken dagiti panangipalpalawag a titulo, ket naskenda a mapatalgedan. Amin nga inadaw a sasao ken dagiti ania man a banag a dagiti pannakapatalged ket naisuppiatan wenno mabalin a suppiaten, ket naskenda a mangiraman ti maysa a nailinia a dakamat a dagus a mangsuporta ti banag. Ti ania man a banag a makasapul ti taudan ngem awan met ti taudanna ket mabalin a maikkat, ken dagiti awan taudanna a maisuppiatan a banag a maipanggep ti sibibiag a tattao ket nasken a mapardasan a maikkat. Ti Pannakapatalged, Awan ti kasisigud a panagsukimat ken Agmangngamangnga a nalinteg a pamanunutan ket dagiti bugas nga annuroten ti linaon ti Wiki Ilokano. Dagitoy ket agtitinnulong a mangikeddeng ti linaon, tapno dagiti agur-urnos ket maawatanda dagiti kangrunaan a punto dagitoy tallo. Dagiti artikulo ket naskenda pay a tumungpal iti annuroten ti karbengan ti kopia.
Nasken a mapatalgedan amin a linaon. Ti pakadagsenanto a mangipakitaa ti pannakapatalged ket maipan iti editor nga agnayon wenno mangipasubli iti material, ken mapaneknekan daytoy babaen ti panagipaay iti maysa a nailinia a dakamat iti maysa natalged a taudan a dagus a mangsuporta
Gupiten amin nga insasao, ken ti ania man a material a ti pannakapatalgedna ket makarit wenno mabalin a makarit, iti maysa a natalged, naipablaak a taudan iti panagusar iti maysa a nailinia a dakamat. Ti nadakamat a taudan ket nasken a nalawag a mangsuporta ti material a kas naipresenta iti artikulo. Lawagen a dakameten ti taudan, no mabalin ited ti bilang ti panid wenno pampanid – ngem sumagmamano nga imbes a maitunos iti maysa a seksion, kapitulo, wenno dadduma pay a pannakabingay.
Ti aniama a material nga awanan iti maysa a nailinia a dakamat iti maysa a nataldged a taudan a dagus a mangsuporta ti material ket mabalin a maikkat ken nasken koma a saan nga ipasubli nga awanan iti maysa a nailinia a dakamat iti maysa a natalged a taudan.
Saan nga ibati ti di nataudan wenno di nasayaat a nataudan a material iti maysa nga artikulo no makadael iti reputasion iti sibibiag a tattao wenno dagiti adda a grupo, ken saan nga iyalis daytoy iti tungtungan a panid.
This article uses material from the Wikipedia Ilokano article Wiki:Pannakapatalged, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.