ხულიო კორტასარი

26 აგვისტო, 1914, ბრიუსელი, ბელგია — გ. 12 თებერვალი, 1984, პარიზი, საფრანგეთი) — არგენტინელი მწერალი და მოაზროვნე. სიურეალიზმის ერთ-ერთი თვალსაჩინო წარმომადგენელი.

ხულიო კორტასარი
ესპ. Julio Cortázar
დაბადების თარიღი	26 აგვისტო, 1914(1914-08-26)[1] [2] [3] [4] [5] [6] [7] [8] [10] [11] [12] [13] [14] [15]
დაბადების ადგილი	ბრიუსელი[16]
გარდაცვალების თარიღი	12 თებერვალი, 1984(1984-02-12)[1] [2] [3] [4] [5] [6] [7] [8] [10] [11] [12] [14] [15] (69 წლის)
გარდაცვალების ადგილი	10th arrondissement of Paris[16]
დასაფლავებულია	მონპარნასის სასაფლაო
ფსევდონიმი	Julio Denis
საქმიანობა	მწერალი[14]
ენა	Peruvian Coast Spanish
მოქალაქეობა	არგენტინა  საფრანგეთი
ალმა-მატერი	Facultad de Filosofía y Letras de la Universidad de Buenos Aires
ჟანრი	მაგიური რეალიზმი და პოეზია
Magnum opus	კლასობანა
ჯილდოები	მედიჩის პრემია უცხოური ლიტერატურისათვის
მეუღლე	უგნე კარველისი, აურორა ბერნარდესი და კეროლ დანლოპი
გავლენა მოახდინეს :::ჟან-პოლ სარტრი
ხელმოწერა
ხულიო კორტასარი ვიკისაწყობში

ხულიო კორტასარი დაიბადა 1914 წლის 26 აგვისტოს ბრიუსელში, სადაც მისი მშობლები მამის მივლინების დროს იმყოფებოდნენ. როგორც თავად აღნიშნავდა ეს იყო "ტურიზმისა და დიპლომატიის ნაყოფი". 1914 წელს დაიწყო პირველი მსოფლიო ომი და შექმნილი ვითარების გამო ოჯახი იძულებული გახდა 1918 წელს არგენტინაში დაბრუნებულიყო. მამამ ოჯახი ევროპიდან დაბრუნების შემდეგ მალევე მიატოვა, ხულიომ ბავშვობა ბუენოს-აირესის მახლობელ ბამფილდში გაატარა. გაიზარდა ქალთა გარემოცვაში (დედასთან, დეიდასთან, ბებიასთან და მასზე ერთი წლით უმცროს დასთან ერთად), ამ გარემოებამ ძლიერი ზეგავლენა იქონია მისი მომავალი მსოფლმხედველობის ჩამოყალიბებაზე, მან არაერთხელ გაიბრძოლა გაბატონებული მატრიარქატის წინააღმდეგ.

წერა 9 წლის ასაკში დაიწყო. დაწყებითი განათლების მიღების შემდეგ სწავლა მასწავლებელთა საშუალო სკოლაში გააგრძელა (Escuela Normal de Profesores Mariano Acosta). 1932 წელს მიიღო ლიტერატურის მასწავლებლის სტატუსი. ბიოგრაფ მონტეს-ბრედლის თანახმად, მასწავლებლად მუშაობდა ბუენოს აირესის პროვინციის მინიმუმ ორ სკოლაში. 1935 წელს უმაღლესი განათლების მისაღებად ჩააბარა ბუენოს-აირესის უნივერსიტეტის ფილოსოფიისა და ლიტერატურის ფაკულტეტზე, სადაც ეკონომიკური პრობლემების გამო მხოლოდ ორი წელი შეძლო სწავლა. თავდაპირველად ხულიო თავის ნაშრომებს "ხულიო დენისი"-ის ფსევდონიმით აქვეყნებდა. 1951 წელს, მისი პოლიტიკური შეხედულებების გამო, იძულებული გახდა გასცლოდა ხუან პერონის მმართველობის ქვეშ მოქცეულ არგენტინას და პარიზში ეპოვა ნავსაყუდელი. საფრანგეთში იუნესკოს დამოუკიდებელ თარჯიმნად მუშაობდა, რაც საშუალებას აძლევდა თავისი ლიტერატურული მოღვაწეობისათვის დაეთმო დრო და ემოგზაურა. 1953 იქორწინა აურორა ბერნარდესზე და მთარგმნელობით საქმიანობას მიჰყო ხელი. მნიშვნელოვანია მის მიერ შეტანილი წვლილი ამ სფეროში. ედგარ ალან პოს კორტასარისეული თარგმანი საუკეთესოდ არის მიჩნეული. მისი ყველაზე აღიარებული ნაშრომია "კლასობანა" ("Rayuela"), წიგნის წაკითხვა შეიძლება ავტორის მიერ შემოთავაზებული თავების ნუსხის ან თქვენი ნება-სურვილის მიხედვით.

სიცოცხლის ბოლომდე გატაცებული იყო კრივითა და მუსიკით, განსაკუთრებით ჯაზით. 1984 წლის 12 თებერვალს გარდაიცვალა პარიზში, დაკრძალულია მონპარნასის სასაფლაოზე.

მოთხრობები

რიტუალები

თამაშები

გასასვლელები

აქ და ახლა

• ნეტავ, რაზე ფიქრობდა ქრისტე ძილის წინ, ჩე? დაარქივებული 2012-02-19 საიტზე Wayback Machine. სტატია ქართულ ლიტერატურულ ბლოგზე.