კილიან მბაპე

20 დეკემბერი, 1998) — ფრანგი ფეხბურთელი, რომელიც თამაშობს საფრანგეთის ლიგა 1-ის კლუბ „პარი სენ-ჟერმენსა და საფრანგეთის ეროვნულ ნაკრებში თავდამსხმელის პოზიციაზე. მიჩნეულია მსოფლიოს ერთ-ერთ საუკეთესო ფეხბურთელად; იგი ცნობილია თავისი დრიბლინგითა და სისწრაფით. 2018 წელს, ანალიტიკურმა კომპანია CIES-მა, მბაპე ყველაზე ძვირადღირებულ ფეხბურთელად დაასახელა, რომლის სატრანსფერო ღირებულება 216,5 მილიონ ევროს შეადგენდა.

კილიან მბაპე

მბაპე 2019 წელს
პირადი მონაცემები
სრული სახელი	კილიან მბაპე ლოტენი
დაბადების თარიღი	20 დეკემბერი, 1998 (1998-12-20) (25 წლის)
დაბადების ადგილი	პარიზი, საფრანგეთი
სიმაღლე	178 სმ
სათამაშო პოზიცია	თავდამსხმელი
საკლუბო ინფორმაცია
მიმდინარე კლუბი	პარი სენ-ჟერმენი
ნომერი	7
ახალგაზრდული კარიერა
2004–2013	ბონდი
2013–2015	მონაკო
პროფესიონალური კარიერა*
წლები	გუნდი	მატჩი	(გოლი)
2015–2016	მონაკო B	12	(4)
2015–2018	მონაკო	41	(16)
2017–2018	→  პარი სენ-ჟერმენი	27	(13)
2018–	პარი სენ-ჟერმენი	175	(159)
ეროვნული ნაკრები‡
2014	საფრანგეთი 17 წლ.	2	(0)
2016	საფრანგეთი 19 წლ.	11	(7)
2017–	საფრანგეთი	74	(46)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 6 აპრილი, 2024 ‡ ეროვნული ნაკრების მატჩი და გოლი ბოლოს განახლდა: 18 ნოემბერი, 2023

საკლუბო კარიერა

დაიბადა და გაიზარდა პარიზში. ახალგაზრდობაში თამაშობდა კლუბ „ბონდიში“, ხოლო მისი პროფესიული კარიერა დაიწყო ლიგა 1-ის კლუბ „მონაკოში“ 2015 წელს, 16 წლის ასაკში. 2016–17 წლის სეზონში იგი დაეხმარა კლუბს ლიგა 1-ის მოგებაში, ხოლო თავად გახდა ლიგა 1-ის წლის საუკეთესო ახალგაზრდა ფეხბურთელი.

მბაპეს ტალანტმა „პარი სენ-ჟერმენის“ ყურადღება მიიპყრო. შედეგად, 2018 წელს, კლუბმა იგი შეისყიდა 180 მილიონ ევროდ. ამ ტრანსფერით მბაპე იქცა მეორე ყველაზე ძვირადღირებულ ფეხბურთელად მსოფლიოში. სადებიუტო სეზონში, მბაპემ კლუბთან ერთად მოიგო სამივე შიდა ტურნირი — საფრანგეთის ჩემპიონატი, საფრანგეთის თასი და საფრანგეთის ლიგის თასი. 19 წლის ასაკში მიიღო ოქროს ბურთის ნომინაცია და გადაეცა რაიმონ კოპას პირველი ტროფეი. 2018–19 სეზონში იგი გახდა ლიგა 1-ის საუკეთესო ბომბარდირი და დასახელდა ჩემპიონატის წლის საუკეთესო ფეხბურთელად.

სანაკრებო კარიერა

2017 წელს, 18 წლის ასაკში შედგა მბაპეს დებიუტი საფრანგეთის ნაკრებში. მბაპე დაეხმარა საფრანგეთის ნაკრებს 2018 წლის მსოფლიო ჩემპიონატის მოგებაში. იგი ყველაზე ახალგზრდა ფრანგი ფეხბურთელია, რომელმაც გოლი გაიტანა მსოფლიო ჩემპიონატზე და აგრეთვე მეორე თინეიჯერი ფეხბურთელია პელეს შედეგ, რომელმაც მსოფლიო თასის ფინალში გოლის გატანა შეძლო. ამ ჩემპიონატზე მბაპე გახდა საუკეთესო ახალგაზრდა ფეხბურთელი, აგრეთვე დასახელდა საფრანგეთის წლის ფეხბურთელად.

საკლუბო

  მონაკო:(1)

• საფრანგეთის ლიგა 1 (1): 2016–17

  პარი სენ-ჟერმენი:(15)

• საფრანგეთის ლიგა 1 (5): 2017–18, 2018–19, 2019–20, 2021–22, 2022–23
• საფრანგეთის საფეხბურთო თასი (3): 2017–18, 2019–20, 2020–21
• საფრანგეთის ლიგის თასი (2): 2017–18, 2019–20
• საფრანგეთის საფეხბურთო სუპერთასი (5): 2017, 2018, 2019, 2020, 2022
• უეფა-ს ჩემპიონთა ლიგის ფინალისტი: 2019–20

სანაკრებო

საფრანგეთი 19წლ.

• ევროპის 19 წლამდელთა საფეხბურთო ჩემპიონატი: 2016

  საფრანგეთი:(1)

• მსოფლიო საფეხბურთო ჩემპიონატი: 2018
  ფინალისტი: 2022

გიბრალტარის ეროვნულ ნაკრებთან ევრო 2024-ის შესარჩევ მატჩში (14–0) შესრულებული ჰეთ-თრიკის წყალობით კილიან მბაპემ კარიერაში მე-300 გოლი გაიტანა და მესის, რონალდუსა და ნეიმარის რეკორდი გააუმჯობესა — მან ეს 24 წლის ასაკში გააკეთა. ლიონელ მესიმ, კრიშტიანუ რონალდუმ და ნეიმარმა კი ამ მაჩვენებელს 25 წლის ასაკში მიაღწიეს.

 

არის გვერდი თემაზე:

კილიან მბაპე

• Profile at the Paris Saint-Germain F.C. website
• კილიან მბაპე — საფრანგეთის ფეხბურთის ფედერაცია
• კილიან მბაპე — ფიფას ჩანაწერი^{[დაარქივებული]}
• კილიან მბაპე – უეფას ჩანაწერი (ინგლისური)
• კილიან მბაპე — L'Équipe (ფრანგული)