ტანგანიიკა
ტანგანიიკა (ინგლ.
სიგრძე დაახლოებით 650 კმ, სიგანე 40-80 კმ, ზედაპირის ფართობი — 34 ათასი კმ². მდებარეობს ზღვის დონიდან 773 მეტრის სიმაღლეზე, ტექტონიკურ ქვაბულში. მაქსიმალური სიღრმე — 1470 მ (ბაიკალის შემდეგ მეორეა მსოფლიოში). ნაპირები უმთავრესად სწორხაზოვანია, ადგილ-ადგილ მაღალი და ციცაბო. აუზის ფართობი — 224 ათასი კმ². ერთვის მდინარეები მალაგარასი და რუზიზი; მდინარე ლუკუგის საშუალებით ტანგანიიკა უკავშირდება მდინარე ლუალაბას.
| ტანგანიიკა | |
|---|---|
| ინგლ. Lake Tanganyika ფრანგ. Lac Tanganyika სუაჰ. ziwa Tanganyika | |
 ტანგანიიკა კოსმოსიდან | |
| კოორდინატები: 6°30′ ს. გ. 29°50′ ა. გ. / 6.500° ს. გ. 29.833° ა. გ. | |
| მდებარეობა |  კონგოს დემოკრატიული რესპუბლიკა ტანზანია ზამბია ბურუნდი |
| სიმაღლე ზღვის დონიდან | 773 მ |
| სიგრძე | 650 კმ |
| სიგანე | 40-80 კმ |
| ფართობი | 34 ათ. კმ² |
| მოცულობა | 18 900 კმ³ |
| სანაპირო ზოლის სიგრძე | 1828 კმ |
| საშუალო სიღრმე | 570 მ |
| მაქსიმალური სიღრმე | 1470 მ |
| აუზის ფართობი | 224 000 კმ² |
| ჩამდინარე მდინარეები | მალაგარასი რუზიზი |
| გამომდინარე მდინარე | ლუკუგა |
  | |
ტანგანიიკა წელიწადში საშუალოდ 64,8 კმ³ წყალს იღებს. წყლის დონე მაღალია აპრილსა და მაისში, დაბალი — ოქტომბერსა და ნოემბერში. ზოგჯერ იცის სეიშები. წყალი მტკნარია. მისი ტემპერატურა ზედაპირზე 23,6-23,8 °C-დან 26,5 °C-მდეა. 400 მეტრის ქვემოთ ტბის ფსკერამდე ტემპერატურა მუდმივია, დაახლოებით 23 °C. მყარი ტემპერატურული სტრატიფიკაციის გამო სიცოცხლისათვის ვარგისია მხოლოდ წყლის ზედა, 100-200 მ სისქის ფენა. ფაუნის დაახლოებით 75 % ენდემურია. ტბაში ბინადრობს ბეჰემოთი, ნიანგი, ბევრია წყლის ფრინველი. განვითარებულია თევზჭერა და ნაოსნობა. ნავსადგურებია: კიგომა (ტანზანია), ბუჟუმბურა (ბურუნდი), კალიმა (ზაირი). ტბა აღმოაჩინეს 1858 წელს ინგლისელმა მოგზაურებმა რ. ბერტონმა და ჯონ სპიკმა.
იხილეთ აგრეთვე
რესურსები ინტერნეტში
შეგიძლიათ იხილოთ მედიაფაილები თემაზე „ტანგანიიკა“ ვიკისაწყობში.- ტანგანიიკა — სტატია ენციკლოპედია ბრიტანიკიდან (ინგლისური)
This article uses material from the Wikipedia ქართული article ტანგანიიკა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.