2018 მატჩი მსოფლიოს პირველობაზე ჭადრაკში

მოქმედი ჩემპიონი	პრეტენდენტი
მაგნუს კარლსენი (NOR)	ფაბიანო კარუანა (USA)
6 (3)	6 (0)
დაბადების თარიღი: 30 ნოემბერი, 1990	დაბადების თარიღი: 30 ივლისი, 1992
მსოფლიოს პირველობაზე მატჩის გამარჯვებული (2016)	პრეტენდენტთა ტურნირის გამარჯვებული (2018)
ფიდეს რეიტინგი მატჩის დასაწყისისთვის: 2835	ფიდეს რეიტინგი მატჩის დასაწყისისთვის: 2832

მატჩში მონაწილეობა მიიღეს მოქმედმა ჩემპიონმა, ნორვეგიელმა მაგნუს კარლსენმა და ამერიკელმა ფაბიანო კარუანამ.

12 პარტიისგან შემდგარი მატჩი უნდა ჩატარებულიყო 9 ნოემბრიდან 28 ნოემბრამდე.

პრეტენდენტი მსოფლიოს ჩემპიონის ტიტულზე გახდა ფაბიანო კარუანა — 2018 წლის პრეტენდენტთა ტურნირის გამარჯვებული, რომელიც ჩატარდა გერმანიის დედაქალაქ ბერლინში 2018 წლის 10 მარტიდან 27 მარტამდე. ფაბიანო კარუანამ 14 შესაძლებელი ქულიდან 9 დააგროვა (+5 -1 =8), რაც ერთი ქულით მეტია, ვიდრე აზერბაიჯანელი დიდოსტატის შაჰრიარ მამედიაროვის და რუსი სერგეი კარიაკინის შედეგი.

მატჩი ჩატარდა ფიდეს ეგიდის ქვეშ, ხოლო ორგანიზაციის უფლება ჰქონდა კომპანია „აგონს“, ფიდეს კომერციულ პარტნიორს. 2018 წლის მატჩის ჩატარებაზე განაცხადი შეიტანა არაერთმა აზიურმა ქვეყანამ, იაპონია, სინგაპური, ტაილანდი, ჩინეთი და სხვა. 2017 წლის გაზაფხულზე გახდა ცნობილი ლონდონის კანდიდატურაზე. 2017 წლის ნოემბერში გამოცხადდა, რომ მატჩი ლონდონში ჩატარდებოდა.

2018 წლის 15 აგვისტოს გამოცხადდა, რომ ორივე მონაწილემ ხელი მოაწერა მატჩში მონაწილეობის კონტრაქტს.

სათამაშო დღეებში, მატჩები ტარდება ადგილობრივი დროით 15:00 საათზე (GMT, UTC).

ოპონენტებმა უნდა ითამაშონ 12 პარტია იმ შემთხვევაში, თუ არც ერთი მათგანი არ გაინაღდებს გამარჯვებას დროზე ადრე. რაც შეეხება დროი კონტროლს, პირველ 40 სვლაზე გამოყოფილი იყო 100 წუთი, 50 წუთი შემდეგ 20 სვლაზე და 15 წუთი პარტიის დამთავრებამდე ყოველი სვლის შემდეგ 30 წამის დამატებით. მოთამაშეებს არ ჰქონდათ დაზავების უფლება შავების ოცდამეათე სვლამდე.

თუ მეთორმეტე პარტიის შემდეგაც ანგარიში თანაბარი იქნებოდა, ბოლო სათამაშო დღეს ჩატარდებოდა ტაი-ბრეიკი:

• ოთხი პარტია სწრაფ ჭადრაკში (25 წუთი + 10 წამი ყოველი სვლის შემდეგ), თუ არც ერთი მონაწილე დროზე ადრე არ გაიმარჯვებდა. თუ ოთხი პარტიის შემდეგ გამარჯვებული არ გამოვლინდებოდა, მოჭადრაკეები ითამაშებდნენ ბლიცს.
• ორპარტიანი ბლიცის (5 წუთი + 3 წამი ყოველი სვლის შემდეგ) ხუთი სერია შავებით და თეთრებით. გამარჯვებული იქნებოდა მოჭადრაკე, რომელიც პირველი მოიგებდა სერიას. თუ ყველა სერია ფრეთი დამთავრდებოდა, ჩატარდებოდა „არმაგედონი“.
• ერთი „სიკვდილის პარტია“, იგივე „არმაგედონი“. თეთრებს აქვთ ხუთი წუთი, ხოლო შავებს ოთხი. 61-ე სვლიდან დაწყებული, ორივე მხარე ყოველი სვლის შემდეგ იღებს სამ წამს. მოთამაშე, რომელიც კენჭისყრაში გაიმარჯვებს, შეძლებს ფიგურების ფერი აირჩიოს. თეთრებს სჭირდებათ მხოლოდ გამარჯვება, ყაიმის შემთხვევაში გამარჯვებულია შავი ფიგურებით მოთამაშე მოჭადრაკე.

მონაწილეები	ელოს რეიტინი	1	2	3	4	5	6	7	8	9	10	11	12	+	−	=	ქულები
ნორვეგია მაგნუს კარლსენი	2835	½	½	½	½	½	½	½	½	½	½	½	½	0	0	12	6
აშშ ფაბიანო კარუანა	2832	½	½	½	½	½	½	½	½	½	½	½	½	0	0	12	6
ECO		B31	D37	B31	A29	B31	C42	D37	B33	A29	B33	C42	B33
სვლების რაოდენობა		115	49	49	34	34	80	40	38	56	54	55	31
თარიღი		9.11	10.11	12.11	13.11	15.11	16.11	18.11	19.11	21.11	22.11	24.11	26.11

ტაი-ბრეიკი

მონაწილეები	ელოს რეიტინგი	1	2	3	4	+	−	=	ქულები
ნორვეგია მაგნუს კარლსენი	2880	1	1	1		3	0	0	3
აშშ ფაბიანო კარუანა	2789	0	0	0		0	3	0	0
ECO		A22	B33	B40
		სწრაფი ჭადრაკი

• მატჩის ოფიციალური ვებ-გვერდი დაარქივებული 2017-12-07 საიტზე Wayback Machine.
• Unofficial list of qualifiers for candidates tournament
• ილუმჟინოვი: „ჩინეთმა შეიძლება ჩაატაროს ჭადრაკის ჩემპიონატები კაცთა და ქალთა შორის“