ინდორი (მარათჰ.
इंदूर) — უმსხვილესი ქალაქი და კომერციული ცენტრი ინდოეთში, მადჰია-პრადეშის შტატში. მდებარეობს შტატის დედაქალაქ ბჰოპალიდან 190 კმ-ით დასავლეთით. 2011 წლის აღწერის მონაცემებით, მისი მოსახლეობა 1 960 631 ადამიანს შეადგენს. იგი მადჰია-პრადეშის უდიდესი, ინდოეთის მე-15 და მსოფლიოს სიდიდით 147-ე ქალაქია. ინდორს ასევე „მინი მუმბაის“ უწოდებენ მოსახლეობის ეთნიკური მრავალფეროვნების გამო. გარდა ამისა, მუმბაისთან ის სხვა მრავალ მსგავსებასაც ამჟღავნებს: ხშირი ბრბოები, შოპინგის სტილი, გართობა და საკვები.
ქალაქი | |
---|---|
ინდორი მარათჰ. इंदूर | |
ერთ-ერთი ქუჩა | |
ქვეყანა | ინდოეთი |
შტატი | მადჰია-პრადეში |
კოორდინატები | 22°25′00″ ჩ. გ. 75°32′00″ ა. გ. / 22.41667° ჩ. გ. 75.53333° ა. გ. |
ფართობი | 3 898 კმ² |
ცენტრის სიმაღლე | 553 მ |
ოფიციალური ენა | ჰინდი ენა |
მოსახლეობა | 1 960 631 კაცი (2011) |
სიმჭიდროვე | 9 718 კაცი/კმ² |
სასაათო სარტყელი | UTC+5:30 |
სატელეფონო კოდი | +0731 |
საფოსტო ინდექსი | 4520XX |
ოფიციალური საიტი | indore.nic.in |
ინდორი შტატის ფინანსური ცენტრი, იდნორის რაიონისა და ინდორის დივიზიონის ადმინისტრაციული ცენტრია.
ინდორი ერთადერთი ქალაქია ინდოეთში, რომელშიც ერთდროულად მდებარეობს როგორც ინდოეთის მენეჯმენტის ინსტიტუტი (IIM), ასევე ინდოეთის ტექნოლოგიური ინსტიტუტი (IIT).
მარათჰას იმპერიის დროს, იდნორი მნიშვნელოვანი კვანძი იყო დეკანსა და დელის შორის. მადჰავრაო პეშვას სიკვდილის შემდეგ, მარათჰას იმპერია დაიშალა და ინდორი ჰოლკარის სახელმწიფოს დედაქალაქად გამოცხადდა, სანამ აჰილიაბაი ჰოლკარი დედაქალაქს მაჰეშვარში გადაიტანდა.
This article uses material from the Wikipedia ქართული article ინდორი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.