ბუს ნისლეული

1781 წელის 16 თებერვალს აღმოაჩინა ფრანგმა ასტრონომმა პიერ მეშენმა. 1848 წელს ნისლეულს ინგლისელ-ირლანდიელი ასტრონომი უილიამ პარსონსი აკვირდებოდა; შემდეგ, მის მიერ ხელით დახატული ილუსტრაცია ბუს თავს წააგავდა. ამის შემდეგ, ობიექტს ბუს ნისლეული შეარქვეს.

ბუს ნისლეული

გალაქტიკა
აღმოჩენის ისტორია
აღმომჩენი	პიერ მეშენი
აღმოჩენის თარიღი	1781
დაკვირვების მონაცემები (ეპოქა J2000.0)
თანავარსკვლავედი	დიდი დათვის თანავარსკვლავედი
პირდაპირი ასვლა	11სთ 14წთ 47.734წმ
დახრილობა	+55° 01′ 08.50″
ხილული ზომები	3′.4 × 3′.3
ხილული ვარსკვლავიერი სიდიდე mV	+9.9
მახასიათებლები
მანძილი	2030 სინ. წელი
რადიუსი	0.91 სინ. წელი

ნისლეულის ასაკი დაახლოებით 8 000 წელია. ჩამოყალიბდა ცენტრალური ვარსკვლავის მიერ ვარსკვლავური ქარების შედეგად დაკარგული მატერიის საფუძველზე. ნისლეული ჩამწკრივებულია სამ კონცენტრულ ფენად, რომელთაგან გარეთა 20–30%-ით დიდია შიდა ფენაზე. ბუს მსგავსი მოხაზულობა შიდა ფენის დამსახურებაა, რომელიც ცირკულარულად სიმეტრიული არაა.

ნისლეულის მასა დაახლოებით 0.13 მზის მასის ტოლია და შედგება წყალბადის, ჰელიუმის, აზოტის, ჟანგბადისა და გოგირდისგან ისეთი სიმჭიდროვით, რომ ყოველ კუბურ მეტრში ამ ნივთიერებათა 100 ნაწილაკი მოდის. ნისლეულის გარე რადიუსი 0,91 სინათლის წელია; მიმდებარე ვარსკვლავთშორის სივრცეში ფართოვდება 27–39 კმ/წმ სიჩქარით.

მის ცენტრში დარჩენილი ვარსკვლავის ვარსკვლავიერი სიდიდი 14-ია და იგი ამჟამად თავისი ევოლუციის ბოლო ეტაპზეა — აქტიურად კონდენსირდება, რის შემდეგაც თეთრ ჯუჯად გადაიქცევა. მას მზის მასის 55–60% აქვს დარჩენილი, მასზე 41–148-ჯერ კაშკაშაა ეფექტიანი ტემპერატურა კი 123 000 კელვინია. როგორც სპიტცერის კოსმოსური ტელესკოპით დაკვირვებისას დადგინდა, ეს ვარსკვლავი გადამეტებულ ინფრაწითელგამოსხივებას არ გამოყოფს.

• The Owl Nebula @ SEDS Messier pages
• The Owl Nebula at Calar Alto Observatory დაარქივებული 2011-05-24 საიტზე Wayback Machine.
• NightSkyInfo.com – M97, the Owl Nebula
• Norton, Andy; Crowther, Paul; Hardy, Liam. M97 – Owl Nebula. Deep Space Videos. Brady Haran.
• The Owl Nebula (M97) at Constellation Guide