Opick

Aunur Rofiq Lil Firdaus
Lair	Aunur Rofiq Lil Firdaus
Jeneng liya	Opick
Pakaryan	aktor, penyanyi
Taun aktif	2005-sekarang

Opick, saliyané dadi penyanyi religi, dhèwèké uga nyipta tetembangan. Dhèwèké uga ngakuni menewa tau duwé grup musik kang nampilaké tetembangan rock.

Dhèwèké ngakiri mangsa jakané lan nikahi kenya ayu kang duwé jeneng Dian Rositaningrum ning tanggal 15 Juli 2002. Pasangan iki wus dikaruniai anak 4, Ghaniya D'Salma Firdaus, Aina Rahcmah Ramadhana Firdaus, Fatimah Azka L Firdaus, lan kang terakir lair ning taun 2010 dijenengi Latifah Maryam Al Firdaus.

Albumé kang pisanan diwènèhi sesirah ISTIGFAR dirilis ning taun 2005. Tetembangan kang dadi andalan ning album mau ya iku tetembangan kang duwé sesirah Tombo Ati, Takdir, Alhamdulillah lan Astaqfirullah. Album sawisé iku ning taun 2006 dhèwèké ngrilis album kang diwènèhi sesirah SEMESTA BERTASBIH, ning album iku ana 10 tetembangan ya iku :

• Taqwa,
• Irhamna,
• Takdir,
• Teranglah Hati,
• 25 Nabi,
• Semesta Bertasbih,
• Bismillah,
• Satu Rindu,
• Buka Mata Buka Hati lan
• Ya Rasul.

Sing dadi tetembangan andalané ning album iku ya iku tetembangan kang judhulé Takdir kang ditembangaké karo Melly Goeslaw.

Ning taun 2007, Opick ngerilis album kang judhulé YA RAHMAN, ana 11 tetembangan ning album kuwo, kaya ta Assalamu'alaikum, Rapuh, Pewaris Surga, Mendambamu, Haji lan liya-liyané. Tetembangan kang tenar judhulé Taubat.

2008, Opick ngrilis album kang judhulé CAHAYA HATI karo tetembangan pilihané, Cahaya Hati. Album iki isiné 10 tetembangan, kaya ta :

• Hanya Allah,
• Ya Nabi Salam,
• Alangkah Indahnya,
• Cinta Setulus Jiwa,
• Hamba-Hamba Allah,
• Ketika Cinta,
• Allah Ya Nur,
• Tuhan Lindungilah, lan
• Ramadhan Tiba.

Ning sasi Ramelan, Juni 2009 Opick ngrekam albumé kang paling anyar kang diwènèhi sesirah MAHA MELIHAT. Ana tetembangan kang ditembangaké duet karo Rachel Amanda. Single iki kang akiré dadi theme song sinétron MANOHARA.

Ning awal taun 2010, Opick karo sutradara Hanung Bramantyo kerjasama kanggo nggawé filem ASMAUL HUSNA. Nanging kasendat amarga kasus panggelapan dhuwit kang diterima Opick akehé Rp1,4 miliar. Amarga kasus iku, Opick uga diperiksa déning Polda Kalimantan Selatan.

27 Januari 2010, Opick ngrilis buku DI BAWAH LANGIT lan akan disusul filemé ning tanggal 18 Maret 2010.

Filmografi déning :

• Kun Fayakuun (2008)
• Di Bawah Langit (2010)

Diskografi déning Opick :

• Tak Ada Habisnya (2003)
• Istighfar (2005)
• Semesta Bertasbih (2006)
• Ya Rahman (2007)
• Cahaya Hati (2008)
• Di Bawah Langit Mu (2009)
• Shollu Ala Muhammad (2010)
• The Best of Opick (2011)

Iklan kang tau dibintangi Opink :

• Indomie (2005-2008)
• Hemaviton (2005)
• Segar Dingin (2008-2010)
• Bank BII Syariah (2010)

Buku déning Opick :

• Opick, Oase Spiritual Dalam Senandung (2006)