Huawei Technologies Co.
Ltd. (/ˈhwɑːˌweɪ/; Pinyin: Huáwéi) ya iku kumpeni multi nasional ing babagan piranti tèlèkomunikasi lan jaringan saka Cina sing kantoré ana ing Shenzhen, Guangdong. Kumpeni Huawei Technologies Co. Ltd. minangka juru manufaktur sing gedhé dhéwé saindenging donya, banjur disalip déning Ericsson ing taun 2012.
Huawei Technologies Co. Ltd. iku diyasa ing taun 1987 déning Ren Zhengfei, mantan insinyur saka People's Liberation Army. Ing wektu diadegaké, Huawei iku mligi produksi manufaktur switches télépon, nanging nalika ngembangaké bisnisé iku kalebu produksi: yasa jaringan komunikasi; nyediakake operasional lan layanan konsultasi lan peralatan kanggo kumpeni ing jaba lan jero Cina; lan piranti Manufaktur komunikasi kanggo pasar konsumen. Huawei duwé punjul 170,000 pegawé ing wulan Sèptèmber taun 2015, kira-kira 76,000 pegawé iku kerja ing divisi research and development (R&D). Huawei duwé 21 institut R&D ing sawenèh nagara kalebu Cina, Amérikah Sarékat, Kanadha, Inggris, Pakistan, Prancis, Bèlgi, Jerman, Kolombia, Swèdhen, Irlandia, India, Ruslan, lan Turki, lan ing taun 2014, kumpeni iki invèstasi $6.4 milyar USD ing R&D, munggah saka $5 milyar USD ing taun 2013.
Ing taun 2014, Huawei nyatet yèn nampa pikolèhan 34.2 milyar CNY (5.5 milyar USD). produk lan layanané wis disebaraké ing punjul 140 nagara lan saiki dadi peringkat angka 5 saka 50 operator tèlèkomunikasi gedhé dhéwé ing donya.
This article uses material from the Wikipedia Basa Jawa article Huawei, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.