Edinson Cavani
Edinson Roberto Cavani Gómez (pangucap cara Spanyol: ; lair 14 Fèbruari 1987) inggih punika satunggaling juru main bal-balan profésional saking Uruguay ingkang main ing posisi striker, lan samenika main ing Prancis Ligue 1 klub Paris Saint-Germain lan Tim Nasional Bal Uruguay.
Piyambakipun kawentar minangka juru main bal ingkang cepet, kiyat, oportunis, tèknik saé, Cavani saged dipundéskripsikaken minangka striker modéren. Piyambakipun ugi kawentar gadhah kaprigelan damel gol ingkang imprèsif, kiyat ing udhara lan samparanipun, sengkut anggénipun main, lan gadhah akurasi tendhangan bébas ingkang saé. Piyambakipun main ing posisi striker tengah, mliginipun ing aréa serangan, lan saged dipunanggé ing striker nomer kalih, lan striker sayap.
 Cavani main kanggé Uruguay ing taun 2017 | |||
| Katerangan priangga | |||
|---|---|---|---|
| Jeneng dawa | Edinson Roberto Cavani Gómez | ||
| Tanggal lair | 14 Fèbruari 1987 | ||
| Papan lair | Salto, Uruguay | ||
| Dhuwur | 1.88 m (6 ft 2 in) | ||
| Posisi main | Striker | ||
| Katerangan klub | |||
Tim saiki | Paris Saint-Germain | ||
| Angka | 9 | ||
| Karir nom | |||
| 2000–2005 | Danubio | ||
| Karir sénior* | |||
| Taun | Tim | Main | (Gul) |
| 2005–2007 | Danubio | 25 | (10) |
| 2007–2010 | Palermo | 109 | (34) |
| 2010–2013 | Napoli | 104 | (78) |
| 2013– | Paris Saint-Germain | 151 | (107) |
| Tim nasional‡ | |||
| 2006–2007 | Uruguay U20 | 14 | (9) |
| 2012 | Uruguay Olympic | 5 | (3) |
| 2008– | Uruguay | 98 | (40) |
| * Gunggung main lan gul ing klub sénior tumrap liga dhomèstik iki mligi lan patitis per pukul 20 December 2017. | |||
Cavani miwiti kariripun ing klub Danubio ing Montevideo, ing klub punika Cavani main kalih taun, sadèrèngipun pindhah dhateng klub Italia Palermo ing taun 2007. Piyambakipun main sekawan mangsa ing klub punika, damel 34 gol ing 109 tetandhingan. Taun 2010, Cavani pindhah dhateng klub Napoli, pindhah ing klub punika kanthi regi transfer 17 yuta euro. Ing mangsa 2011-2012, piyambakipun menangaken setunggal titel juwara inggih ing Coppa Italia, lan dados top skorer kanthi gangsal gol. Wonten ing klub Napoli, Cavani nyithak 33 gol ing kalih mangsa pertama, 38 gol ing mangsa katiga, lan dados top skorer Serie A kanthi 29 gol. Tanggal 16 Juli 2013, Cavani dipuntransfer dhateng Paris Saint-Germain kanthi regi transfer 64 yuta euro, lan dados juru main paling awis reginipun ing jagad bal-balan Prancis.
Pranala njawi
(ing basa Indonésia) Profil Edinson Cavani
Rujukan
This article uses material from the Wikipedia Basa Jawa article Edinson Cavani, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.