Brontosaurus

Brontosaurus Kalamangsa: Akhir jaman Jura
Wrangka Brontosaurus déning O.C. Marsh
Setatus konservasi
fosil
Klasifikasi ngèlmiah
Karajan:	Animalia
Filum:	Chordata
Klas:	Sauropsida
Superordho:	Dinosauria
Ordho:	Saurischia
Subordho:	Sauropodomorpha
Infraordho:	Sauropoda
Famili:	Diplodocidae
Génus:	Apatosaurus
Jeneng binomial
Apatosaurus excelsus (Marsh, 1879) vide Riggs, 1903
Sinonim
Brontosaurus excelsus Marsh, 1879c

Spésies Brontosaurus excelsus punika dipunjenengi déning pamanggihipun inggih punika Othniel Charles Marsh,nalika warsa 1879. Jeneng punika tansah dipunanggé wonten ing literatur resmi ngantos kirang langkung warsa 1974,sananjan sampun asring dipunsebat sadéréngipun kanthi jeneng Apatosaurus,wonten ing warsa 1903.

Brontosaurus inggih punika dhinosaurus ingkang gadhah gulu panjang sanget ugi kalebet dhinosaurus hèrbivor,gadhah awak ingkang dawanè sawatawis 70-90 kaki (21-27 m), inggilipun saking suku ngantos boyok sawatawis 15 kaki (4,6 mèter), kaliyan bobot sawatawis 33-35 ton abote, bobot kéwan punika kirang langkung ngalangkungi bobotipun 6 gajah. Sirahipun kirang saking 2 méter dawané, tengkorakipun dawa kathi bolongan irung ingkang mapan ing sisih inggil lan ukuran uthek ingkang alit..Kéwan hèrbivor punika gadhah gulu dawa (cacah 15 balung),buntut pecut dawa(sawatawis 50 ft=15 mèter dawane), balung geger ngrongga, suku ngajeng langkung alit ugi pendek ketimbang suku wingking kang ageng lan radi dawa. Suku punika kanggé nalika badhé nyrengkuh godhong wonten ing wit-witan ingkang dhuwur.

Fosilipun sampun pinanggih ing Amérika Utara barat ing nagar pérangan Utah, Colorado, kaliyan Wyoming. Brontosaurus kalebet kéwan Sauropoda paling ageng ing antawis sauropoda sanès kados ta Brachiosaurus,kaliyan Diplodocus. Wonten ing jaman gesangipun, Brontosaurus gadhah mungsuh utama dhinosaurus karnivora ageng kados ta Allosaurus. Habitat Brontosaurus limrahipun manggèn wonten ing hutan-hutan tropis.

Brontosaurus/Apatosaurus,kados ta sauropoda sanès,manak kanthi cara ngendhog. Brontosaurus nalika wayah ngendhog saged ngedalaken endhog puluhan,nanging boten awujud sarang. Brontosaurus ngendhog nalika ngawontenaken lelungan lan endhogé diedhalaken satunggal baka satunggal. Ukuran endhoge ageng antawis 1 kaki (30 cm) ambané.

 

Dipunprakirakaken urip wonten ing jaman Jurasik sawatawis 150 yuta warsa kepengker. Para panaliti gadhah pamanggih manawi wonten kadadéan kepunahan massal nalika samanten. Nanging dèrèng wonten ingkang mangertos kadadéan menapa ingkang ndamel kapunahan mau.