Basa Damelan
Basa artifisial utawi basa damelan utawi basa kakonstruksi (ugi katelah conlang cekakan saking istilah Inggris: constructed language) déning para sutrisnanipun inggih punika satunggaling basa ingkang tetembungan kaliyan tata basanipun dipundamel déning satunggal utawi sakempalan alit tiyang.
Basa punika kosok wangsul saking basa alami (ing: natural language, Natlang) ingkang angévolusi kanthi alamiah saking satunggaling budaya. Sapérangan conlang dipundamel kanggé komunikasi manungsa (limrahipun kaginakaken minangka basa auksiliari internasional), sapérangan sanèsipun dipundamel kanggé karya fiksi utawi èksperimen, komunikasi winadi, utawi namung iseng kémawon.
"Basa kajangka" ingkang sami tegesipun kaliyan conlang punika kadhangkawis dipun-ginakaken kanggé ngarujuk dhumateng basa auksiliari internasional, lan déning tiyang ingkang nampik istilah "artifisial" dipunsèlèhaken ing basa piyambakipun. Upami, tiyang ingkang saged abasa Esperanto ngujaraken manawi "Esperanto inggih punika basa artifisal kados mobil punika jaran artifisal". Nanging, istilah basa kajangka punika awis dipun-ginakaken ing njawi kempalan Esperanto.
Rujukan
- Alan Libert, A Priori Artificial Languages. Lincom Europa, Munich, 2000. ISBN 3-89586-667-9
This article uses material from the Wikipedia Basa Jawa article Basa damelan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.