Gunung Seulawah Agam inggih punika salah satunggaling gunung ing Indonésia ingkang dumunung ing Kacamatan Seulimeum, Kabupatèn Acèh Besar, Provinsi Nanggroe Acèh Darussalam.
Gunung Seulawah Agam | |
---|---|
Èlevasi | 1,810 metres (5,940 ft) |
Prominèn | 1,610 metres (5,280 ft) |
Dhuwuripun gunung Seulawah Agam, inggih kirang langkung 1726 mèter ing nginggiling langit. Gunung Seulawah Agam ugi misuwur kanthi nama-nama sanès, kados ta Solawa Agam, Solawaik Agam, Selawadjanten, lan Goldberg. Kawah gunung Seulawah Agam ugi misuwur kanthi sebatan Kawah Heutsz lan ugi wonten ingkang mastani Tanah Simpago.
Gunung Seulawah Agam dumadi akibat patemoning lempeng Indo-Australia ingkang éwah radi ngaler, nunjem wonten ing ngandhapipuna Lempeng Kerak Bawana Eurasia. Akibat punika, saéngga kadadosan prosès paleburan (melting) kerak Samudera Indo-Autralia dados magma, ingkang lajeng mbrobos wonten ing lumah nglewati zona lemah saha mbentuk Gunung Seulawah Agam.
Salah satunggaling jalur dhaki ingkang saged dipunpilih nalika badhé ndhaki gunung Seulawah Agam punika inggih saking liwat désa Suka Makmur di Saree, Acèh Besar. Désa punika mapan wonten ing lekukannipun pinggang gunung seulawah agam, ingkang warga masarakatipun gadhah ingkang dados wong tani kebon, kados ta kebon alpokat, tela, saha lombok. Rute dhaki saking dipunwiwiti saking Banda Acèh lajeng dugi désa Suka Makmur lan nembé saged minggah gunung. Saking 15 menit mlampah, badhé kapanggih kali alit ingkang toyanipun bening, adhem saha asring dipun-ginakaken kanggé mendhet bekal toya para pendaki. Papan punika dipunsebat papan rimba lan kahananipun taksih resik. Lajeng minggah malih kanthi medal margi setapak nyusuri alas lan kaprungu ocehaning manuk-manuk. Manawi sampun kalih jam mlampah, saged manggihaken papan istirahat kaping pisan, ingkang dipunsebat pintu angin. Pintu angin punika mapan wonten ing dhuwur 1.200 mèter saking sak nginggiling toya laut. Lokasinipun mapan wonten ing sak pinggiring bukit. Saking pintu angin lajeng mlampah malih ngantos beringin tujuh. Dipun wastani laladan beringin tujuh amargi wonten ing mriki panci wonten wit ringin cacahipun pitu ingkang wujudipun ageng-ageng. Saking beringin tujuh dipunlajengaken mlampah dhateng batu gajah ingkang mapan ing dhuwur 1.750 mèter sak nginggiling toya laut. Saking batu gajah punika lajeng saged dipunterasaken mlamapah dhateng pucuking gunung Seulawah Agam. Dangunipun ndhaki dhateng pucukipun gunung Seulawah Agam punika kirang langkung 7-8 jam nanging ugi saged langkung gumantung saking rikat botenipun anggènipun para pendaki mlampah.
This article uses material from the Wikipedia Basa Jawa article Gunung Seulawah Agam, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.