Art Deco
Art Deco utawa kadhangkala dicekak dadi Deco iku sawijining gagrag utawa gaya seni visual, arsitèktur, lan désain sing pisanan muncul ing Prancis sawisé pungkasané Perang Donya I.
Art Deco iku mangaribawani désain gedhong, mèbel, paésan, klambi, montor, bioskop, sepur, kapal laut, lan kabèh barang-barang padinan kaya ta radio lan sedhotan bledug. Jenengé iki sajatiné cekakan saka basa Prancis Arts Décoratifs, saka Exposition Internationale des Arts Décoratifs et Industriels Modernes ("Pamèran Internasional Seni Dékoratif Modèren lan Industri") sing dianakaké ing Paris taun 1925. Gagrag iki ngamoraké gaya modèrnis karo tangan kriya sing alus serta bahan sing unggul. Ing pucuking popularitasé, Art Deco iku ngwakili barang méwah, glamor,kakimplahan, lan kapracayan marang kamajon sosial lan tèknologi.
Saka kiwa tekan tengen, saka dhuwur nganti ngisor: bioskop Grand Rex ing Paris (1932), poster kanggo l'Exposition internationale des arts décoratifs et industriels modernes déning Robert Bonfils (1925), salon darbéné Paul Reynaud ing Paris (1934), Gedhong Chrysler ing Kutha New York City (1930) lan paésan dhuwur "Victoire" déning René Lalique (1928) | |||||
| Taun aktif | 1910–1939 | ||||
|---|---|---|---|---|---|
| Nagara | saindhening donya | ||||
_(3679648700).jpg)
.jpg)
Art Deco iku sajatiné paniron utawa pastiche saka akèh gagrag sing dadi siji, kadhangkala gagragé malah tabrakan utawa kosokbaliné. Apa sing nggawé manunggal iku namung kapénginan dadi modèren. Saka awalé, Art Deco dipangaribawani déning wujud-wujud géométris Kubisme; werna padhang Fauvisme lan Ballets Russes; gagrag pakriyan marang mèbel saka jamané Louis Philippe lan Louis XVI sing wis dianyari; gagrag èksotis Tiongkok, Jepang, Hindustan, Parsi, Mesir Kuna lan Seni Maya. Art Deco iku nrapaké bahan material sing langka lan larang, kaya ta gadhing lan kayu éboni, saha tangan pakriyan sing utama. Gedhong Chrysler lan pancakar langit liyané ing New York iku dibangun ing dasawarsa 1920-an lan 1930-an, lan bisa kaanggep minangka monumèn gagrag Art Deco.
This article uses material from the Wikipedia Basa Jawa article Art Deco, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.