Rabarbari

Stöngull rabarbarans er rauðleitur, stökkur og getur orðið jafn breiður og barnshandleggur. Blaðið upp af stilknum er mikið og breitt og grófgert og er stundum nefnt rabarbarablaðka. Til eru ýms afbrigði af rabarbara; algengust eru: Linnæus og Victoria.

Rabarbari
Vísindaleg flokkun
Ríki: Jurtaríki (Plantae) Fylking: Dulfrævingar (Magnoliophyta) Flokkur: Tvíkímblöðungar (Magnoliopsida) Ættbálkur: Hjartagrasbálkur (Caryophyllales) Ætt: Súruætt (Polygonaceae) Ættkvísl: Rheum Tegund: Rabarbari L.

Stilkur rabarbarans er mikið notaður í sultugerð, rabarbarasúpu og stundum einnig í saft- og víngerð. Neðsti hluti stilksins er hvítur og er oft soðinn niður . Sá hluti rabarbarans nefnist rabarbarapera vegna þess að hann líkist mjög flysjaðri peru, þ.e.a.s. sé búið að skera hann frá leggnum.

Stilkur rabarbarans inniheldur talsvert magn af oxalsýru sem gerir hann súran. Oxalsýran í rabarbara er í það miklum styrk að hún getur haft óæskileg áhrif á nýrnastarfsemi og ætti að minnsta kosti ekki að neyta mikils af honum. Mikil neysla rabarbara getur einnig eytt glerungi tanna.

Orðið rabarbari er komið úr grísku: rha barbaron. Orðið rha er fornt skýþiskt nafn á ánni Volgu og barbaron þýðir erlendur. Rabarbari var til forna ræktaður í Kína og Tíbet og var löngum fluttur til Evrópu frá Rússlandi.

• Túnsúra

• „Rabarbari og fennel“; grein í Morgunblaðinu 1980
• „Rabarbari - Sulta og ábætiskökur“; grein í Morgunblaðinu 1997
• „Rabarbari og annað gott“; grein í Morgunblaðinu 1981

 

Wiki Commons er með margmiðlunarefni sem tengist Rabarbari.

 

Wikilífverur eru með efni sem tengist Rheum.

   Þessi líffræðigrein er stubbur. Þú getur hjálpað til með því að bæta við greinina.