Katerína Sakellaropúlú: 7. og núverandi forseti Grikklands
Katerína Sakellaropúlú (grískt letur: Κατερίνα Σακελλαροπούλου; f.
30. maí 1956) er grísk stjórnmálakona sem hefur verið forseti Grikklands frá 13. mars 2020. Hún var kjörin af gríska þinginu til að taka við embættinu af Prokopís Pavlopúlos þann 22. janúar 2020. Áður en hún varð forseti lýðveldisins var Sakellaropúlú forseti gríska ríkisráðsins, æðsta stjórnsýsludómstóls Grikklands. Hún er fyrsti kvenforseti Grikklands.
| Katerína Sakellaropúlú Κατερίνα Σακελλαροπούλου | |
|---|---|
 | |
| Forseti Grikklands | |
Núverandi | |
| Tók við embætti 13. mars 2020 | |
| Forsætisráðherra | Kýríakos Mítsotakís |
| Forveri | Prokopís Pavlopúlos |
| Persónulegar upplýsingar | |
| Fædd | 30. maí 1956 Þessalóníku, Grikklandi |
| Þjóðerni | Grísk |
| Stjórnmálaflokkur | Óflokksbundin |
| Maki | Pavlos Kotsonís |
| Börn | 1 |
| Háskóli | Háskólinn í Aþenu Université Panthéon-Assas |
| Undirskrift |  |
Æviágrip
Sakellaropúlú er fædd í Þessalóníku. Fjölskylda hennar er frá Stavrúpolí, bæ í héraðinu Xanþí. Hún nam lögfræði við Háskólann í Aþenu og útskrifaðist úr framhaldsnámi í almannarétti við Université Panthéon-Assas. Á miðjum níunda áratugnum hlaut hún aðild að gríska ríkisráðinu og var gerð ráðgjafi þess árið 2000.
Í október 2015 var hún útnefnd varaforseti ríkisráðsins og í október 2018 varð hún, fyrst kvenna, forseti réttarins eftir einróma atkvæðagreiðslu. Kjör hennar kom í kjölfar þess að þáverandi ríkisstjórn stjórnmálaflokksins Syriza tók tillit til framsýnna viðhorfa hennar í umhverfis- og mannréttindamálum.
Sakellaropúlú hefur verið félagi í sambandi starfsmanna dómstóla ríkisráðsins. Hún var aðalritari sambandsins frá 1985 til 1986, varaforseti þess frá 2006 til 2008 og forseti frá 1993 til 1995 og frá 2000 til 2001.
Hún birtir reglulega greinar í fræðitímaritum. Hún skrifaði einnig í bókina Fjármálakreppa og umhverfisvernd í dómaframkvæmd ríkisráðsins (gríska: Οικονομική κρίση και προστασία του περιβάλλοντος στη νομολογία του Συμβουλίου της Επικρατείας) árið 2017.
Forseti Grikklands
Þann 15. janúar 2020 útnefndi forsætisráðherra Grikklands, Kýríakos Mítsotakís, Sakellaropúlú í embætti forseta lýðveldisins. Hún var kjörin forseti þann 22. janúar 2020 með 261 atkvæðum af 300 á gríska þinginu.
Einkahagir
Sambýlismaður Sakellaropúlú er lögfræðingurinn Pavlos Kotsonís. Hún á eitt barn úr fyrra hjónabandi.
Hún er stuðningsmaður íþróttafélagsins Aris Þessalóníki.
Tilvísanir
| Fyrirrennari: Prokopís Pavlopúlos |
| Eftirmaður: Enn í embætti | |||
This article uses material from the Wikipedia Íslenska article Katerína Sakellaropúlú, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.