Jarðskjálftinn í Lissabon átti sér stað í Lissabon í Portúgal laugardaginn 1.
nóvember">1. nóvember árið 1755 um 9:40 að staðartíma. Í kjölfar jarðskjálftans reið flóðbylgja yfir borgina og eftir það kviknaði í byggingum sem sluppu við flóðið. Talið er að af 200.000 íbúum borgarinnar hafi 30-40.000 týnt lífinu. Borgin var rústir einar á eftir. Jarðskjálftinn hafði mikil áhrif á nýlenduveldi Portúgala og átti þátt í hnignun þess næstu ár. Mikið af fólki var í kirkju þegar jarðskjálftinn reið yfir þar sem bar upp á einn helgasta dag kaþólsku kirkjunnar, Allraheilagramessu og hrundu meðal annars heilu kirkjubyggingarnar yfir fólk.
Jarðskjálftinn fannst um alla Evrópu og í Norður-Afríku. Flóðbylgjan skall ekki aðeins á Lissabon heldur eyðilagði þorp og bæi við Algarve, á Asóreyjum, Madeira og strönd Marokkó. Flóðsins varð líka vart á Bretlandseyjum.
This article uses material from the Wikipedia Íslenska article Jarðskjálftinn í Lissabon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.