Bandaríkin Hreindýr Jólasveinsins

Hefð er fyrir því að hreindýrin séu níu talsins. Í kvæði frá 1823 A Visit from St. Nicholas (betur þekkt sem The Night Before Christmas) eftir bandaríska skáldið Clement C. Moore eru hreindýrin átta talsins, en á millistríðsárunum bættist Rúdolph, rauðnefjaða hreindýrið í flokkinn og hafa hreindýrin verið níu talsins síðan þá.

• Dasher
• Dancer
• Prancer
• Vixen
• Comet
• Cupid
• Donner
• Blitzen
• Rudolph

Nöfn fyrstu átta hreindýranna eru úr kvæði frá árinu 1823. Níunda hreindýrið, Rúdolph, á rætur að rekja til auglýsingaherferðar sem samin var fyrir Montgomery Ward vöruhúsakeðjuna árið 1939. Vöruhúsakeðjan lét semja teiknibók um ævintýrið um Rúdolph. Bókinni var dreift til barna í verslunum þeirra fyrir jólin. Árið 1948 samdi Johnny Marks jólalag um Rúdolph sem hefur öðru fremur borið hróður hinna fljúgandi hreindýra. Fyrsta hljóðritun lagsins er frá 1949 í flutningi Gene Autry.

Sagan af Rúdolph og hreindýrunum fljúgandi er ein vinsælasta jólasaga samtímans, sérstaklega í hinum engilsaxneska heimi.

• Fyrirmynd greinarinnar var „Santa Claus's reindeer“ á ensku útgáfu Wiki. Sótt 27. desember 2010.
• Fyrirmynd greinarinnar var „Clement Clarke Moore“ á ensku útgáfu Wiki. Sótt 27. desember 2010.
• Fyrirmynd greinarinnar var „Rudolph the Red-Nosed Reindeer“ á ensku útgáfu Wiki. Sótt 27. desember 2010.