Fez eða Fes er borg í Marokkó.
Borgin er önnur stærsta borg Marokkó með 1.1 milljón íbúa (2014). Fez var höfuðborg Marokkó til ársins 1925. Í borginni eru tvö vel varðveitt miðaldahverfi eða medina en stærra hverfið heitir Fes el Bali og er á heimsminjaskrá Unesco en hverfið er talið eitt stærsta götumarkaður borgar. Háskólinn Al Quaraouiyine sem stofnaður var árið 859 er einn af elstu háskólum heims sem ennþá starfar. Borgin hefur verið kölluð "Mekka Vestursins" eða "Aþena Afríku".
Fez er staðsett í þröngum dal í Norður-Marokkó. Hún er á mótum verzlunarleiða sem tengja Atlantshafið og Miðjarðarhafið við löndin sunnan Sahara. Höfuðföt sem eru barðalausir, sívalir hattar heita eftir borginni.
Marokkóski konungurinn Idris II sem lét reisa Mulai Idris-moskuna stofnaði borgina árið 808. Önnur moska í borginni er Qarawiyin-moskan en hún er stærsta moskan í Afríku.
This article uses material from the Wikipedia Íslenska article Fez, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.