Արլինկթընի Ազգային Գերեզմանատուն

Ներկայիս հոն թաղուածներու քանակը 320 հազար է, մակերեսը 2.53 քմ² է:

Հիմնուած է 1865-ին եւ նախատեսուած էր Քաղաքացիական պատերազմին զոհուած զինուորները թաղելու համար: Գերեզմանատան հողակտորը առգրաւուած է Քաղաքացիական պատերազմին Հարաւի բանակի գլխաւոր հրամանատար Ռապըրթ Լիէն:

Գերեզմանատունէն ներս կրնան թաղուիլ պատերազմներու մասնակիցներ եւ անոնց ընտանիքներու անդամներ, ծառայութեան մէջ գտնուած եւ պաշտօնաթող զինուորականներ, նախագահներ, պետական պարգեւներու արժանացած դէմքեր:

Կան նաեւ սահմանափակումներ, զոր օրինակ գերեզմանատունէն ներս չեն կրնար թաղուիլ յանցագործութիւններու համար մահապատժի կամ ցմահ բանտարկութեան արժանացած անձինք:

Ըստ կանոններու, ընտանիքին անդամները կրնան պահանջել, որ գերեզմանի մարմարեայ սալին վրայ նշուի թաղուածի կրօնական պատկանելութեան խորհրդանիշը:

Գերեզմանատունը բաժնուած է 70 մասերու, հարաւարեւելեան եւ արեւմտեան քանի մը տեղամասեր կը պահուին հետագայ օգտագործման համար: 60-րդ տեղամասը նախատեսուած է 2001-էն ետք ահաբեկչութիւններու զոհերու համար: 21-րդ տեղամասը յայտնի է նաեւ Բուժքոյրերու տեղամաս անունով: Մէկ այլ տեղամաս՝ Քահանաներու տեղամասն է, ուր կը գտնուին հրէական, բողոքական եւ կաթողիկէ զինուորական քահանաներու յուշաքարեր: 1901-ին, Զինուորներուն Տունէն ներս թաղուած են Համադաշնութեան զինուորներ:

 

 

• Քաղաքական գործիչներ եւ ընտանիքներու անդամներ՝
  • Ուիլիըմ Թաֆթ (անգլերէն՝ William Howard Taft, մ. 1930), Միացեալ նահանգներու 27-րդ նախագահ
  • Ճոն Քենետի (անգլերէն՝ John Kennedy), Միացեալ նահանգներու 35-րդ նախագահ
  • Ժաքլին Քենետի (անգլերէն՝ Jacqueline Kennedy Onassis, մ.1994), Ճոն Քենետիի այրին
  • Տուայթ Տէյվիս (անգլերէն՝ Dwight Filley Davis, մ. 1945), ռազմական նախարար,

Պետական քարտուղարներ՝

• Ճոն Տուլլես (անգլերէն՝ John Foster Dulles, մ. 1959)
• Էտ Մասքի (անգլերէն՝ Edmund Sixtus Muskie, մ. 1996)
• Փիրս Ռոճըրզ (անգլերէն՝ William Pierce Rogers, մ. 1913)

Գերագոյն դատարանի նախագահներ՝

• Ուորըն Պըրկըր (անգլերէն՝ Warren Erl Burger, մ. 1995)
• Ուիլիըմ Ռենքվիսթ
• Ըրլ Ուորըն (անգլերէն՝ Earl Warren, մ. 1974)
• Օլիվըր Հոլմս (անգլերէն՝ Oliver Wendell Holmes, մ. 1935)

• Արուեստի եւ մշակոյթի գործիչներ՝
  • Դերասաններ՝
    • Լի Մարվին (անգլերէն՝ Lee Marvin, մ. 1987)
    • Ճեքի Քուփըր (անգլերէն՝ Jackie Cooper, մ. 2011)՝ ծովային ծառայելու պատուին
  • Երգահան եւ երաժիշտ Կլէն Միլլեր (անգլերէն՝ Alton Glenn Miller, մ. 1944)
  • Գրող Տաշիլ Հէմմիթ (անգլերէն՝ Dashiel Hammet, մ. 1961)
• Զինուորականներ՝
  • Ժեներալ Ճորճ Մարշըլ (անգլերէն՝ George Catlatt Marshall, Jr., մ. 1979)
  • Ժեներալ, հրամանատար Ճոն Շալիքաշվիլի (անգլերէն՝ John Malchase David Shalikashvili, վրաց.՝ ჯონ მალხაზ დევიდ შალიკაშვილი)
• Այլ՝
  • Սրտավիրաբոյժ Մայքըլ Տը Պէյքի] (անգլերէն՝ Michael Ellis DeBakey, մ. 2008)

Ուիքիպահեստ նախագիծի Արլինկթընի Ազգային Գերեզմանատուն ստորոգութեան մէջ կրնաք գտնել յաւելեալ պատկերազարդում այս նիւթի վերաբերեալ։