Ֆեստուս Ռուփուս: հռոմեացի պատմիչ
Ֆեստուս Ռուփուս (լատին․՝ Féstus Rufus, անհայտ, Volsinii, Բոլսենա, Վիտերբո, Լացիո, Իտալիա - հունվար 380, Եփեսոս, Ասիա, Հռոմեական կայսրություն), հին հռոմեացի պատմիչ, մատենագիր։
| Ֆեստուս Ռուփուս | |
|---|---|
| Ծնվել է | անհայտ |
| Ծննդավայր | Volsinii, Բոլսենա, Վիտերբո, Լացիո, Իտալիա |
| Մահացել է | հունվար 380 |
| Մահվան վայր | Եփեսոս, Ասիա, Հռոմեական կայսրություն |
| Քաղաքացիություն | Հին Հռոմ |
| Երկեր | Բրեվարիում |
| Մասնագիտություն | պատմաբան |
| Ծնողներ | հայր՝ անհայտ |
Կենսագրություն
Ֆեստուսի կյանքի հստակ ժամանակը անհայտ է։ Նրա ժամանակակից պատմական աղբյուրներից պարզ է դառնում, որ նրա ծնվելու վայրը եղել է Հռոմեական Ռեցիա պրովինցիայի Տրիդենտ քաղաքը ու ապագա պատմիչը եղել է տեղի գավառական անհայտ շերտերից.
Հետագայում Ֆեստուսը հայտնվում է Մաքսիմինուսի անիջական շրջապատում, վերջինս, ապագայում՝ 371-376 թվականներին դառնում է Գալիայի պրետորիական պրեֆեկտուրայի պրեֆեկտ, որն էլ թույլ է տալիս Ֆեստուսին կատարել պետական պաշտոնյայի ծառայություն։
365 (կամ 368) թվականին Ֆեստուսը նշանակվում է Սիրիայի կոնսուլյար։ Շուտով՝ մոտ 369 թվականին նա Հռոմի կայսր Վաղեսի (364-378) օրոք ստանում է քարտուղարի պաշտոն (magister memoriae):
372 թվականին Ֆեստուսը նշանակվում է Ասիայի պրոկոնսուլ, որը ամենայն հավանականությամբ, զբաղեցնում է մինչև 378 թվականը։
378 թվականին, Ադրիանապոլսի ճակատամարտում Վաղեսի սպանվելուց հետո, Ֆեստուսը հեռացվում է իր պաշտոնից, ապա նրա դեմ մեղադրանք է առաջադրվում, բայց, ըստ երևույթին Ֆեստուսի և նոր կայսեր՝ Թեոդոսիոս Ա Մեծի (379-395) հանդիպման արդյունքում, նախկին պրոկոնսուլի դեմ առաջադրված բոլոր մեղադրանքները հանվում են։ Դրանից հետո նա վերադառնում է Ասիայի իր նստավայր Եփեսոս, որտեղ շուտով (հավանաբար՝ 380 թվականի հունվարին) մահանում է Նեմեսիսի տաճարում աստիճաններից սայթաքելու և մարմնական վնասվածք ստանալու պատճառով։
Ծանոթագրություններ
Աղբյուրներ
- «Երկեր», Հակոբ Մանանդյան, հատոր Բ, էջ 37.
This article uses material from the Wikipedia Հայերեն article Ֆեստուս Ռուփուս, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.